ID 20372 Prosjektleiar samordning av nattevakttenestene - Rehabilitering, helse og omsorg

Om prosjektet

Stord kommune nyttar i dag omfattande ressursar til å dekke nattevakter. Tenestene er sårbare ved fråvær, og tilgang på fagpersonell kan vera kritisk -- særleg i ferieperiodar. Prosjektet har som mål å samordne nattevakttenestene ved Heimebaserte tenester, Stord sjukeheim og Knutsaåsen omsorgssenter, for å styrke kvalitet, effektivitet og koordinering.

Prosjektmål

Prosjektet har som mål å utvikle ei meir robust og effektiv nattevaktteneste i Stord kommune. Ved å samle ressursane på natt, ønskjer me å styrke det faglege miljøet, sikre betre ressursutnytting og redusere sårbarheit ved fråvær og ferieavvikling. Prosjektet skal bidra til optimal bruk av fagressursar, fremje samarbeid på tvers av einingar, og skape eit betre arbeidsmiljø med stordriftsfordelar. Gjennom dette vil me redusere overtid, auke nærvær og legge til rette for heiltidskultur og høgare stillingsprosentar.

Det er ledig Prosjektstilling i 100 % ut 2027, med mogeleg overgang til fast stilling.

Arbeidsstad: Rehabilitering helse og omsorg

Arbeidstid er hovudsakleg dagtid, men noko kveld- og nattarbeid må påreknast.

Om stillinga

Du vil få ansvar for å leie arbeidet med å samle nattevakttenestene til ei felles organisering med felles leiar. Målet er å utvikle eit robust og fleksibelt arbeidsmiljø, og sikre høg kvalitet i tenestene på natt.

Arbeidsoppgåver

• Planleggje og gjennomføre prosjektet i tråd med mål og tidsrammer

• Koordinere og samarbeide med leiarar og tilsette

• Utvikle og implementere nye rutinar og prosedyrar

• Sikre god kommunikasjon og informasjon

• Rapportere framdrift og resultat til styringsgruppe

• Fungera som nærmaste leiar for nattevaktene i prosjektperioden

Kvalifikasjonar

• Helsefagleg utdanning

• Leiarerfaring og kompetanse i prosjektleiing og endringsprosessar

• Relevant erfaring frå helse- og omsorgstenester

• Førarkort klasse B

• Godkjend politiattest

• Gode norskkunnskapar, både skriftleg og munnleg

• Digital kompetanse som støttar kommunal utvikling

• Forståing for rammevilkår i offentleg sektor

Personlege eigenskapar

• Tillitsskapande og med høg integritet

• Fleksibel og endringsorientert

• Handlekraftig og nytenkjande

• Gode evner til kommunikasjon og samhandling

• Identifiserer seg med kommunens verdiar: Saman om utvikling og velferd

Me kan tilby:

• Varierte arbeidsoppgåver i eit tverrfagleg fagmiljø

• Godt arbeidsmiljø

• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.

• Løns- og arbeidsvilkår i samsvar med kommunalt avtaleverk

Offentlig tenestepensjon i KLP - Kort fortalt

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.

For nærare opplysningar ta kontakt med:

Einingsleiar for institusjon Britt Nelly Hystad Barane, tlf: 92 48 63 58.

Einingsleiar Tenester til heimebuande Kristin Steinsland, tlf: 416 94 266