Teknikar

Vil du vere med å gjere ein forskjell?
Nav hjelpemiddelsentral Vestland, Bergen har ledig ei fast 100 % stilling som feltteknikar. Vi ser etter deg som brenn for gode tenesteopplevingar og Nav sitt samfunnsoppdrag.
 
Avdeling Teknikk har 26 tilsette og ein lærling. Det er eit kompetansemiljø med eit viktig samfunnsoppdrag. Tilsette på avdelinga samarbeider tett med kollegaer frå andre avdelingar på sentralen, mellom anna for å sikre godt ombruk av hjelpemiddel.
 
Nav hjelpemiddelsentral Vestland, Bergen har ca. 120 tilsette og held til på Kokstad i Bergen. Vi er organisert under Nav hjelpemiddel og tilrettelegging som består av ca. 1300 tilsette og 14 hjelpemiddelsentralar på landsbasis. Vi er eit ressurs- og kompetansesenter med brei kunnskap om ulike funksjonsnedsettingar og korleis tilrettelegging, hjelpemiddel og teknologi kan fremje funksjon, aktivitet og samfunnsdeltaking for alle. Tilsette ved hjelpemiddelsentralen har brei fagleg bakgrunn og vi løyser oppgåvene gjennom tett tverrfagleg samarbeid. Vi gjev bistand til brukarar, kommunar, arbeidsgivarar og andre samarbeidspartnarar gjennom rådgjeving, opplæring og tilrettelegging.

Arbeidsoppgaver

Som teknikar på hjelpemiddelsentralen får du moglegheit til å gjere ein forskjell for menneske som treng hjelpemiddel i kvardagen.
I stillinga skal du

• reise til institusjonar og privatheimar for å montere, reparere og sjekke ulike hjelpemiddel som brukarane har
• vere med å arrangere kurs og formidle kompetanse til samarbeidspartnarane våre

Stillinga inngår også i turnus for akuttvaktordning. Du får honorar etter gjeldande satsar for deltaking i akuttvaktordning.
 
Du bruker tenestebil mellom ulike arbeidsoppdrag og kan i stor grad planlegge dagane dine sjølv, ut ifrå kva oppdrag og bestillingar som kjem til hjelpemiddelsentralen.
 
Du får nødvendig opplæring når du startar i stillinga. Hjelpemiddelområdet i NAV er i omstilling, og oppgåver og arbeidsområde kan bli endra.

Kvalifikasjoner

Vi ser etter deg som har

• fagbrev innan elektrofag og/eller elektromekaniske fag
• førarkort klasse B
• erfaring frå arbeid som teknikar innan relevant fagområde
• god generell datakunnskap

Vi ynskjer at du har

• erfaring frå arbeid som teknikar i ambulerande teneste
• erfaring med vedlikehald av elektrisk og/eller teknisk utstyr
• førarkort klasse BE

Personlige egenskaper

Vi søkjer deg som

• er rask og effektiv, og utfører oppdrag av god kvalitet
• er resultatorientert og omstillingsdyktig
• er ein strukturert lagbyggar
• har gode kommunikasjonseigenskapar og ei tydeleg serviceinnstilling

Vi tilbyr

Om du blir tilsett hos oss får du

• spennande, utfordrande og meiningsfulle arbeidsoppgåver for et svært viktig samfunnsoppdrag
• aktive og engasjerte kollegaer med høg fagleg kompetanse
• fleksitidsordning
• trening i arbeidstida
• stillingskode 1408 førstekonsulent, lønnspenn  kr. 600 000,- til 630 000,-
• god pensjonsordning i Statens pensjonskasse
• jobbe i hyggelege lokalar på Kokstad

Kontaktinformasjon

Geir Handegård, Avdelingsleiar, 413 17 653, geir.handegard@nav.no

Arbeidsstad

Kokstaddalen 35
5257 Kokstad

Nøkkelinformasjon:

Arbeidsgivar: NAV

Referansenr.: 4997930357
Stillingsprosent: 100%
Fast
Søknadsfrist: 28.08.2025