Stillingar som rådgjevar/seniorrådgjevar

Om Havbruksavdelinga

Havbruksnæringa er ei av Noregs viktigaste eksportnæringar, og betyr mykje for verdiskaping og aktivitet langs heile kysten. Havbruksavdelinga har i dag rundt 20 tilsette, og her får du jobbe med forvalting og utvikling av næringa. Hos oss får du brynt deg på avvegingar mellom næringsutvikling og miljøomsyn, og du vil arbeide i kryssingspunktet mellom fag og politikk. Tilsetjinga skal styrke avdelinga si kapasitet og kompetanse. 

Avdelinga består av to seksjonar. Seksjon for havbruksforvalting skal utvikle og forvalte rammeverket for etablering og operasjonell drift av havbruksaktivitet, mellom anna innsatsfaktorar, miljøtilhøve og berekraft i havbruksnæringa som rømming, forureining og utslepp, fiskehelse og -velferd, teknologi, fôr og GMO. Seksjonen arbeider òg med areal- og plansaker i sjøområda. Seksjon for havbrukspolitikk og -økonomi skal utvikle ein næringspolitikk som legg til rette for å realisere havbruksnæringa sitt verdiskapingspotensial innanfor berekraftige rammer. Seksjonen har ansvar for løyvesystemet for havbruk, mellom anna tildeling av nye løyve og utvikling av rammeverk for havbruk til havs. 

Det er no ledige juriststillingar i begge seksjonar. 

Arbeidsoppgåver

Havbruksavdelinga søkjer inntil to personar som mellom anna skal arbeide med juridiske problemstillingar innan ulike område som er viktige for akvakulturnæringane. Relevant regelverk er mellom anna akvakulturlova, matlova, dyrevelferdslova og plan- og bygningslova. Du vil til dømes kunne bli sett til å arbeide med stortingsmeldingar og strategiar, lovarbeid, forskrifter og klagesaker. I tillegg vil du hjelpe til med førebuing av saker, møte og reiser for den politiske leiinga i departementet, og du kan elles verte sett til eit stort spenn av oppgåver på heile avdelinga sitt område. Sidan havbruksavdelinga er relativt lita, jobbar ein mykje på tvers og med saksfeltet til begge seksjonane. 

Kvalifikasjonar og personlige eigenskapar

Vi søkjer personar med juridisk kompetanse på masternivå, med gode resultat. 

Søkjarane må ha forvaltningskompetanse og god forståing av politiske beslutningsprosesser. Vi legg vekt på interesse for forvaltingsrett, statsforfatningsrett og lovarbeid, og god evne til å utrykkje seg skriftleg og munnleg, gjerne òg på engelsk. Søkjarar kan gjerne ha kjennskap til fagområdet og relevant regelverk frå før og bør ha evne til å arbeide sjølvstendig og kome med nye idear. Du må ha  evne til kritisk og analytisk tenking og god gjennomføringsevne. Du må kunne jobbe godt både sjølvstendig og i lag med andre. Personlege eigenskapar vil bli vektlagde. 

For stilling som seniorrådgjevar krevst minst fire års relevant erfaring. For særskilt kvalifiserte søkjarar kan stilling som utgreiingsleiar eller fagdirektør vurderast. 

Vi tilbyr

• fast stilling som rådgjevar/seniorrådgjevar
• lønsplassering ut frå kvalifikasjonar og erfaring innan spennet 640 000 – 760 000 kr som rådgjevar og innan spennet 680 000 – 900 000 kr som seniorrådgjevar per år. Høgare lønn kan vurderast for særskilt kvalifiserte søkarar
• interessante, utfordrande og nyskapande arbeidsoppgåver i eit aktivt og engasjert arbeidsmiljø 
• kompetanseutvikling og fagleg oppdatering
• fleksibel arbeidstidsordning og betalt overtid
• høve til trening i arbeidstida
• god ordningar for lån, forsikring og pensjon gjennom Statens pensjonskasse
• kontorstad i nye og moderne lokale i Regjeringskvartalet

Praktisk informasjon

Nærare opplysningar kan ein få ved å ta kontakt med kst. avdelingsdirektør Marie Bjørland (tlf. 986 53 636) eller avdelingsdirektør Kjersti Vartdal (tlf. 980 21 013).

Ein kan sende elektronisk søknad via lenka "Søk stillinga" på denne sida. Fullstendige opplysningar om relevant utdanning og arbeidserfaring må ein fylle inn i det elektroniske skjemaet, og vitnemål og attestar må leggjast ved. 

Me gjer merksam på at opplysningar om søkjaren kan bli offentlege sjølv om søkjaren har bedt om ikkje å bli oppført på søkjarlista, jf. offentleglova § 25 andre ledd. Søkjaren vil bli varsla dersom ønsket ikkje vert teke til følgje.

For søkjarar som opplyser at dei har nedsett funksjonsevne eller hol i CV-en, gjer vi merksam på at denne opplysninga kan bli brukt til statistikkføremål i samband med regjeringa si inkluderingsdugnad dersom vedkomande blir tilsett.