Norges viktigaste cruiseregion søkjer prosjektleiar for Cruisenettverka i Ålesund \& Sunnmøre

Vi søkjer vikar som prosjektleiar for Cruisenettverka Ålesund & Sunnmøre!

Vi søkjer ein dynamisk og resultatorientert person som vil leie an i utviklinga av våre Cruisenettverk, med særleg fokus på produkt- og destinasjonsutvikling for auka lokal verdiskaping. Vi søkjer ein initiativrik leiartype som deler vår lidenskap for reiseliv, og som blir begeistra av tanken om å spele ei sentral rolle i å drive og styrke nettverka våre framover, med mål om auka verdiskaping og heilårsturisme.

Organisering

Destinasjon Ålesund & Sunnmøre er ein sterk pådrivar for auka verdiskaping i reiselivsnæringa. I den samanhengen er satsinga på cruise avgjerande. I 2001 etablerte Destinasjon Ålesund & Sunnmøre dotterselskapet "Ålesund Cruisenettverk" saman med Ålesundsregionens Havnevesen og Ålesund Kommune for ei kraftsatsing mot cruisemarknaden. Vi har opplev i dag ein formidabel vekst og har etablert tre nye cruisenettverk som er samla under Destinasjon Ålesund & Sunnmøre. Det er Hareid Cruisenettverk, Fosnavåg Cruisenettverk, og Stranda og Fjord Cruisenettverk, alle med unike moglegheiter og ulike utfordringar.

Arbeidsoppgåver

· Utvikle og implementere strategiar for produkt- og destinasjonsutvikling som skaper unike opplevingar for cruiseturistane.

· Administrere nettverka sine daglege operasjonar med fokus på lokal verdiskaping og berekraft.

· Bygge sterke relasjonar med lokale og regionale aktørar, inkludert næringslivet, myndigheitene, og organisasjonar.

· Koordinere marknadsførings- og kampanjeaktivitetar for å auka synlegheit og attraktivitet mot målgruppene.

· Sikre eit godt samarbeid med medlemmane i nettverka og styrke fellesskapet.

Kvalifikasjonar

· Erfaring med produkt- og destinasjonsutvikling, gjerne innanfor reiselivsnæringa eller maritim/cruise.

· Sterke leiings- og prosjektstyringsevner.

· Gode kommunikasjonsevner, både skriftleg og munnleg, og evne til å mobilisere og engasjere lokale aktørar.

· Gode språkkunnskapar i norsk og engelsk.

· Evne til å arbeide sjølvstendig og i team.

· Kandidatar med kunnskap om cruiseturisme og erfaring med berekraftige tiltak vil bli prioritert.

Vikarperiode:

• 12-18mnd

• Ønsket oppstart mellom 1des 2025 -1jan 2026

Vi tilbyr

· Ein nøkkelrolle i utviklinga av turismen i Noregs viktigaste cruiseregion.

· Moglegheita til å påverke og implementere innovative produkt og opplevingar.

· Gode moglegheiter for personleg utvikling.

· Eit inspirerande, variert og spennande arbeidsmiljø.