Avdelinga for infrastruktur og veg i Vestland fylkeskommune har ansvar for om lag 5600 km fylkesveg. Visjonen vår er å tilby eit effektivt, tilgjengeleg, sikkert og miljøvennleg vegsystem som dekkjer samfunnet sitt behov for transport, og fremjar regional utvikling. Seksjonen for vedlikehald, drift og beredskap har ansvar for å drifte og vedlikehalde fylkesvegane, og å planleggje og følgje opp entreprenørar. Målet vårt er å syte for trygg og god framkomst på fylkesvegane. For å nå dette er det viktig med eit godt samspel mellom vedlikehald, drift og beredskap.
Eininga for Drift Sør har ansvar for 7 driftskontraktar sør for Sognefjorden. Me har 22 medarbeidarar som jobbar i team på dei ulike kontraktane, og kvar kontrakt består av ein byggeleiar og ein eller to kontrollingeniørar. I arbeidsmiljøet vårt vektlegg me gode kunnskapar i bruk av IKT-verktøy og gode kommunikasjons- og samarbeidsevner.

Arbeidsoppgåver

• Fylgje opp kontraktar
• Gjennomføre stikkprøvekontrollar på utført arbeid av driftsentreprenørar
• Utarbeide gode kontrollplanar og dokumentere og rapportere på resultata av kontrollane
• Fylgje opp og understøtte HMS-arbeidet innanfor kontraktsområdet

Kvalifikasjonar

Me søkjer etter ein kollega som har relevant utdanning frå universitet, høgskule eller fagskule. Dersom du har allsidig og sterk praksis eller etterutdanning, og gode personlege føresetnader for stillingane, kan me sjå vekk frå utdanningskravet. Du må ha førarkort klasse B.

Personlege eigenskapar

Me ynskjer oss ein kollega som kan bidra både fagleg og sosialt. Som kontrollingeniør bør du vera kvalitetsbevisst og god på dokumentasjon. Du må gjerne ha erfaring som kontrollingeniør frå før.
Personleg egenskap vert lagt stor vekt på i denne stillinga; ein må ha gode samarbeidsevnar og kunna samarbeide godt, både med kollega og med publikum. Som arbeidstakar jobbar du godt sjølvstendig og fleksibelt, men bidreg også godt i både det faglege og det sosiale fellesskapet. Kontrollingeniørane våre bør vera løysingsorienterte og ha god gjennomføringsevne

Vi tilbyr

Du blir ein del av eit sterkt tverrfagleg miljø og vi kan love deg varierte arbeidskvardagar og meiningsfulle arbeidsoppgåver, med gode moglegheiter for fagleg påverknad og utvikling.  
Vi er opptekne av å ha kollegaer som trivst saman i eit uformelt arbeidsmiljø - på denne måten får vi det beste ut av kvarandre og skaper engasjement.

• Gode pensjons- og forsikringsordningar
• Løn etter avtal
• Tenestebil vil være tilgjengelig 

 

Anna

• Alle nytilsetjingar vert gjort med ei prøvetid på 6 månader
• Administrasjonsmålet i fylkeskommunen er nynorsk
• Personleg eignaheit vil bli vektlagd
• Vi gjer merksam på at i fylgje offentleglova §25, 2. ledd kan opplysningar om søkaren bli offentleggjort sjølv om du har oppmoda om å ikkje bli ført på offentleg søkarliste. Dersom du har bedt om unntak frå offentleg søkarliste vil du alltid bli varsla før søkarlista vert offentleggjort 

Kontaktinformasjon

Mariann Kråkenes Jørgensen, leiar, 95088763

Arbeidsstad

Gurid Almenningens Plass
5700 Voss

Nøkkelinformasjon:

Arbeidsgivar: Vestland fylkeskommune

Referansenr.: 4914479884
Stillingsprosent: 100%
Fast
Søknadsfrist: 27.02.2025