Politioverbetjent med funksjon som politikontakt

Om stillinga

I Vest politidistrikt, GDE Sogn og Fjordane, er det ledig fast stilling som politioverbetjent/politikontakt i Sunnfjord kommune. Stillinga er stadsplassert ved Førde politistasjon, avsnitt for førebygging/etterforsking. 

I denne stillinga får du jobbe fulltid med kriminalitetsførebyggjande arbeid i tett samarbeid med ihuga interne og eksterne aktørar. 

Som politikontakt jobbar du både på individ- og systemnivå. Du møter folk i alle aldrar og livssituasjonar. Du utgjer ein skilnad og kan bidra til varig livsendring. 

Politikontakten sørvar heile Sunnfjord kommune med sine tett opp under 23000 innbyggjarar, med Førde som naturleg midtpunkt og regionsenter.

Sunnfjord er ein av få kommunar i Sogn og Fjordane som er i vekst. Her er god barnehage- og skulestruktur, attraktive fritidstilbod samt variert og god arbeidsmarknad. I tillegg byr kommunen på ein fantastisk natur med fjord og fjell - tilgjengeleg for den som vil året rundt!

Førde politistasjon er organisert i to avsnitt med kvar sin avsnittsleiar. Den består av avsnitt for kombi og avsnitt for førebygging/etterforsking.  Stasjonen skriv ut pass i tillegg til dei polisiære arbeidsoppgåvene innan etterforskning, førebygging, vakt og beredskap. I politibygget i Førde er og fleire andre einingar lokalisert, blant anna seksjon for etterforsking, samt leiar for GDE Sogn og Fjordane. Fellesfunksjonar er representert ved analyse, kriminalteknikk og felles utlendingsforvaltning.

Hovudarresten for GDE Sogn og Fjordane er også lokalisert ved Førde politistasjon.

Vi er på jobb for eit trygt Noreg. Som ein del av det viktige samfunnsoppdraget til politiet, skal vi førebyggje og få bukt med kriminalitet, skape tryggleik og vareta rettstryggleiken. Vi trur at mangfald bidreg til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Du har sterk motivasjon for det førebyggjande arbeidet. Du evnar og sjå ting i ein større heilskap. Du snakkar lett med folk i alle aldrar - særleg ungdom. Du skapar gode relasjoner. 

Du er engasjert, og tenner glød og entusiasme der du fer fram. Du er empatisk og viser god forståelse for ulikskapar og livssituasjonar. Du er strukturert og ryddig. Du tar initiativ og evnar å prioritera rett i ein travel kvardag.

Arbeidsoppgåver

• I dialog med tenestestadsleiar er du lokalpolitiet sitt daglege kontaktpunkt med kommune, næringsliv og andre innan det kriminalitetsførebyggjande arbeidet
• Du koordinerer politiet sitt heilskaplege førebyggjande arbeid i kommunen
• Du deltek i politiråd, SLT, kriseteam, kriseleiing, KOG (koordineringsgruppe konfliktrådet) og andre tverrfaglege/-etatlege fora der det er naturleg
• Du forpliktar politiet og føl opp avtalar gjort med aktuelle samarbeidspartar.
• Du bidreg aktivt til godt samarbeid både internt og eksternt
• Du er pårørendekontakt i samband med konkrete hendingar
• Du er internt bindeledd opp mot næringslivskontakt, radikaliseringskontakt, fagleiing og andre som jobbar i det førebyggjande sporet
• Du føljer opp saker med ungdom under 18 år
• Du gjennomfører bekymrings- og avklaringssamtalar
• Du held  føredrag, informasjonsmøte, osv. til aktuelle målgrupper som foreldre, samarbeidspartar og andre
• Du deltek i turnusteneste med vakt og beredskap etter avtale og i dialog med leiar
• Du er uniformert og synleg i lokalsamfunnet
• Du handterer og brukar media aktivt i det kriminalitetsførebyggjande arbeidet
• Eventuelt andre oppgåver pålagd av overordna

Kvalifikasjonar

Dette må du ha for å vere kvalifisert:

• Vitnemål frå Politihøgskulen/Politiskulen
• Tilfredsstille krava til å bli politioverbetjent (vera pb 3 og ha arbeidd innan relevant fagfelt i 5 år)
• Vere IP godkjent, eller kvalifisert og villig til å bli det
• Vere eller kunne bli godkjent som utrykkingssjåfør
• God munnleg og skriftleg framstilling på norsk
• Munnleg framstilling på engelsk
• Du må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41. 

Det er også ønskjeleg med:

Utdanning eller erfaring innan førebygging vil bli vektlagd

Personlege eigenskapar

• Vere god på dialog
• Vere god på relasjonsbygging
• Evne til å kunne prioritere og leie
• Kunne bidra til godt samarbeid
• Kunne jobbe strukturert og målretta med god gjennomføringsevne
• Kunne vere fleksibel med tanke på arbeidstid
• Ha god forståing for politiet sitt samfunnsoppdrag
• Kunne bidra aktivt til godt arbeidsmiljø

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

• Stillinga vert lønna som politioverbetjent/politikontakt (0287) med årslønn frå kr. 750.000,-. Vidare lønnsutvikling vil skje i samsvar med hovudtariffavtalane i staten.
• Medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no 
• Gode arbeidsvilkår (turnus, trening i arbeidstida, eigen pc/telefon, o.l)

Mangfald i politiet

Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.