Vikariat rådgivar/seniorrådgivar plan

Om stillinga

Miljøvernavdelinga hos Statsforvaltaren er regional statleg miljøvernmynde og arbeider for gjennomføring av nasjonal miljøvernpolitikk i Rogaland. Vi arbeider mellom anna med naturvern, naturforvaltning, forureining, fråsegn til regionale og kommunale planar etter plan- og bygningslova. Avdelinga har 36 tilsette med stort engasjement for miljø, natur, klima og plan. Miljøvernavdelinga samordnar planarbeidet vårt internt.

Statsforvaltaren i Rogaland skal gjennom dialog og skriftlege fråsegn, formidle styringssignal og nasjonale forventningar til kommunale og fylkeskommunale planar. Vi skal også samordne våre fråsegn med andre statlege regionale instansar. 

Stillinga inngår i embetet si plangruppe der alle avdelingane våre samarbeider tett om fråsegn til og rettleiing i kommunane sitt arbeid med kommuneplanar, reguleringsplanar og anna planarbeid etter plan- og bygningslova.

Miljøvernavdelinga har ledig eit års vikariat med moglegheit for forlenging som rådgivar/seniorrådgivar innan plan. Det er ønskeleg med tiltreding så snart som råd.

Arbeidsoppgåver

Aktuelle arbeidsoppgåver for stillinga er:

• sakshandsaming av plansaker og byggesaker med dispensasjon
• formidling av nasjonal og regional politikk knytt til arealforvaltning i kommunale og regionale planprosessar
• rettleiing og dialog med kommunane
• samarbeid med regionale og statlege sektorstyresmakter
• informasjonsarbeid i form av foredrag på seminar og møter
   

Gjennom fråsegn til og dialog om kommunale planar, skal miljøvernavdelinga ivareta naturverdiar, hindre forureining og ta klima og andre miljøomsyn i plan. Berekraftig byutvikling inkludert bustadsosiale omsyn, samfunnstryggleik, folkehelse og universell utforming er andre tilgrensande omsyn som skal integrerast i fråsegn til planar. Du vil få jobbe med svært varierte problemstillingar saman med engasjerte medarbeidarar på miljøvernavdelinga, og elles i embetet.

Kvalifikasjonskrav

Vi ønskjer oss ein dyktig og samfunnsengasjert medarbeidar som

• har relevant utdanning på mastergradsnivå eller høgare, med fagleg tyngde innan arealplanlegging og plan- og bygningsrett. Utdanning på lågare nivå kan kompenserast med relevant erfaring
• har erfaring frå til dømes arealplanlegging, samfunnsplanlegging, byggesaksbehandling, samfunnsgeografi, naturkompetanse innan plan eller forureining
• har GIS/kartkompetanse
• trivst med tverrfagleg arbeid
• uttrykkjer seg klart skriftleg og munnleg, på begge målformer

Personlege eigenskapar

Vi ser etter deg som: 

• samarbeider godt og byggjer gode relasjonar 
• er strukturert, sjølvstendig, løysningsorientert og har god gjennomføringsevne
• har ein trygg og tydeleg kommunikasjon 
• trivst med varierte oppgåver og ansvar 

Vi legg vekt på at du er personleg eigna for stillinga.

Vi tilbyr

• lønn som rådgivar/seniorrådgivar,  kr 620 000 - kr 740 000 pr år, avhengig av kvalifikasjonar og erfaring. For særleg godt kvalifiserte kan høgare lønn vurderast 
• fleksibel arbeidstid og gode arbeidsvilkår i staten 
• god pensjonsordning (det blir trekt 2% pensjonsinnskot frå lønna) gruppelivsforsikring og moglegheit for bustadlån gjennom Statens pensjonskasse. Les meir om ansatt godane på spk.no/medlemskap-i-spk 
• gode høve til fagleg utvikling og til å utvikle fagleg nettverk
• varierte, interessante og samfunnsnyttige arbeidsoppgåver 
• triveleg arbeidsmiljø i Statens Hus sentralt i Stavanger
• HjemJobbHjem-ordning
• 6 månaders prøvetid 

Mangfold og inkludering 

Vi ønskjer eit mangfaldig arbeidsmiljø og oppmodar kvalifiserte kandidatar til å søkje, uavhengig av bakgrunn. Vi legg til rette ved behov.

Slik søkjer du

Alle som søkjer stillinga, må søke digitalt gjennom rekrutteringsportalen Jobbnorge. Du må laste opp relevante vitnemål og attester. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå NOKUT. 

 Offentleg søkjerliste utarbeidast etter søknadsfristens utløp. Dersom du ønskjer å reservere deg frå oppføring på offentleg søkjerliste må dette grunngjevast. Du vil få varsel om reservasjon ikkje tas til følgje.