Overlege, gastromedisin eller gastrokirurgi

Haukeland universitetssjukehus har etablert ein akuttkirurgisk seksjon i Mottaksklinikken. Seksjonen er eit samarbeid mellom Mottaksklinikken og Kirurgisk klinikk, Avdeling for gastrokirurgi. Den som blir tilsett vil ha arbeidsområde både i akuttmottak og ved sengepostane i Mottaksklinikken og ha ansvar for oppfølgning av gastrokirurgiske pasientar i Mottaksklinikken. Det kirurgiske omfanget i seksjonen vil vere akutte gastrokirurgiske tilstandar. 

Gastrokirurgisk avdeling søker spesialist i gastrokirurgi eller gastromedisin, til stilling som overlege i Gastrokirurgisk avdeling, med arbeidsoppgåver delt mellom seksjon for øvre gastrokirurgi og kirurgisk seksjon i Mottaksklinikken. 

Avdeling for gastrokirurgi har eit høgt tal ØH-pasientar og stor aktivitet knytt til dette. Ein stor del av desse pasientane vil no bli utreda og behandla ved den kirurgiske seksjonen i Mottaksklinikken. Det er også etablert ei akutt operasjonslinje i samarbeid med Kirurgisk serviceklinikk.

Vi søker deg som arbeider sjølvstendig, er god til å samarbeide med andre, og vil vere med på å utvikle eit nytt konsept for dei kirurgiske akuttpasientane. Arbeids-oppgåvene vil i hovudsak vere knytt til utgreiing og behandling av pasientar i Mottaksklinikken i samarbeid med Gastrokirurgisk avdeling. Den som blir tilsett vil rullere mellom Mottaksklinikken og seksjon for øvre gastrokirurgi med stillingsbrøk ca 50/50. I vekene med arbeid ved Gastrokirurgisk avdeling, vil hovudoppgåva vere å delta i, og videreutvikle vår verksemd innan skopiske prosedyrer som FTR, ESD, EUS, skopisk intervensjon som ERCP og stenting i både øvre og nedre gastro.

Mottaksklinikken og Kirurgisk klinikk inngår i Mottaksmodellen, som er Haukeland universitetssjukehus sin måte å organisere mottak og fordeling av akuttpasientar på inn i sjukehuset. Mottaksmodellen har pasienten i sentrum og involverer alle klinikkar rundt pasientflyten. Målet med modellen er å sikre rask og presis diagnostikk som utan forseinkingar gjev pasienten rett behandling på rett stad og til rett tid.

Vedkommande som får tilbod om tilsetting må legge fram godkjend politiattest (vandel) jf. Lov om helsepersonell § 20a. Søkarar utanfor Skandinavia må dokumentere kunnskap i norsk, både skriftleg og munnleg. 

Søknadar stila til avdelinga utanom WebCruiter vil ikkje bli behandla.

Arbeidsoppgåver

• Tilby gastroenterologisk kompetanse og nærvær i Mottaksklinikken
• Utgreie, diagnostisere og behandle pasientar
• Disponere og handtere ØH-stuer i samråd med kirurgiske bakvakter
• Visittgang på inneliggande pasientar
• Rettleie legar i Mottaksklinikken
• Tilsyn av utlokaliserte gastropasientar
• Elektive og akutte skopiske prosedyrar både ved HPB, ØVD og kolorektal-seksjonar

Kvalifikasjonar

• Norsk autorisasjon
• Relevant sjukehuserfaring
• Spesialist i gastroenterologisk kirurgi eller gastroenterologi
• Endoskopiske ferdigheiter blir tillagt stor vekt
• Evne til tverrfagleg samarbeid blir tillagt stor vekt

Personlege eigenskapar

• Kan prioritere når situasjonen krev det
• Evne til å arbeide sjølvstendig, nøyaktig og målretta med arbeidsoppgåver
• Er ansvarsbevisst og pasientorientert
• Har respekt for den enkelte pasient og kollega
• Har god evne til kommunikasjon og samarbeid
• Bidrar til eit godt tverrfagleg arbeidsmiljø internt og på tvers av avdelingar
• Tenker heilskapleg
• Tar ansvar i lagarbeid
• At ein er personleg eigna til stillinga vil bli tillagt stor vekt
• Forskarerfaring og interesse for forsking og utvikling er ein fordel

Vi tilbyr

• Lønn i samsvar med gjeldande overeinskomst
• Høgt fagleg nivå
• Fagleg og personleg utvikling
• Sjukehuset har 4 barnehagar og moglegheiter for sjukehusbustad
• Gode pensjons- og forsikringsordningar
• Ein arbeidsplass som er ei inkluderande arbeidsliv-bedrift (IA-bedrift)

 

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Thomas Geisner, Avdelingssjef, 94891659

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 4959346388
Stillingsprosent: 100%
Fast
Søknadsfrist: 25.01.2026