Dagleg leiar 100 % fast stilling

Dagleg leiar i Preg Brattvåg Preg barnehager Brattvåg er ein privat barnehage med utvida kristen formålsparagraf i Øvrehjellen i Brattvåg som ligg i Haram kommune. Preg barnehager As eig og driv barnehagen på vegne av Misjonssambandet. Det er rundt 80 barn i barnehagen.

Avdelingane Skogstjerna, Tiriltunga og Tusenfryd er småbarnsavdelingar for barna som er 1-3 år, Marisko har barn i alderen 3-4 år, og Blåklokka er avdeling for barna som er 4 -5 år og Utebasen Friskus er for dei eldste barna (skulestartarane). Friskusane har avdeling på ei eiga hytte som er på leikeområdet vårt.

Vi ser no etter ein visjonær og trygg leiar som brenn for kristne barnehagar, og som kan vera ein pådrivar og leiar for fagleg utvikling og utvikling av verdiar. Vi ønskjer ein leiar som har gode samarbeidsevner og får det beste ut av medarbeidarane sine. Vi ønskjer ein leiar som identifiserer seg med den kristne profilen og Preg barnehagar sin visjon: <<Saman om å setje verdifulle spor>>

Vi søkjer no: Dagleg leiar i 100 % stilling

Arbeidsoppgåver

Dagleg leiar er eigar sin representant og leiar av barnehagen. Dagleg leiar har hovudansvar for at heile barnehagen blir ein trygg, innhaldsrik og målretta verksemd. Dagleg leiar skal leia barnehagen i samsvar med lover, forskrifter, retningslinjer, kommunale vedtak, dei gjeldande vedtektene i barnehagen, Preg barnehager sin formålsparagraf for barnehagane og retningslinjer og vedtak gjort av Preg barnehagar.

Dagleg leiar har desse hovudfunksjonane:

• Hovudansvar for personalleiing, pedagogisk arbeid og arbeid med verdiar

• Hovudansvar for dagleg drift og administrasjon av barnehagen • Budsjett og økonomi

• Ansvar for å aktivt følgja opp arbeid med HMS og miljøretta helsevern

• Pleie eit tett samarbeid med eigarstyret for barnehagen

Kvalifikasjonar

• Barnehagelærar eller anna høgskuleutdanning som gir barnefagleg og pedagogisk kompetanse

• Vidareutdanning innan leiing eller tilsvarande kan bli vurdert som ein fordel

• Arbeidserfaring som pedagog med leiaransvar er ønskjeleg

• God relasjonskompetanse

• Gode leiareigenskapar, tydeleg leiar, evne til å lytte og til å ta avgjerder

• Oppteken av å skapa trivsel og eit godt miljø

• Personlege eigenskapar vil bli lagt vekt på Det blir føresette at søkjar vedkjenner seg den kristne trua og forpliktar seg til å arbeida i samsvar med gjeldande vedtekter, instruksar og verdidokument.

Vi kan tilby

• Lønn etter gjeldande PBL-tariff

• Pensjonsordning i Storebrand

• Moglegheit for aktuell vidareutdanning

• Eit positivt og engasjert personale

• Nettverk med andre styrarar i Preg barnehagar

• Godt samarbeid og oppfølging av administrasjon og styret for barnehagen

Det krevst godkjent politiattest, jmf barnehageloven § 30.

For spørsmål eller informasjon:
Asbjørn F. Haugstvedt HR-leder Tlf: 479 75 511 ahaugstvedt@pregbarnehager.no

Søknad og CV blir send: ahaugstvedt@pregbarnehager.no Søknadsfrist: 28.november 2025 Tiltreding: etter avtale

Personopplysningar

Preg barnehagar er databehandlaransvarleg for den personlege informasjonen du sender inn i søknaden din jf Personopplysingsloven artikkel 30. Når du søkjer på ei stilling, aksepterer du at vi registrerer og samlar inn dei personlege opplysningane du gir oss i søknaden din i rekrutteringsprosessen, jf personopplysningsloven artikkel 6 og 9. Vi beheld informasjonen til rekrutteringsprosessen er avslutta, for deretter å sletta all informasjon om deg om ikkje anna er avtalt med samtykke. Du kan be om innsyn i dei personopplysningane Preg barnehagar har om deg. Du kan også be om at vi rettar ukorrekte opplysningar eller slettar informasjon om deg. Du har når som helst høve til å trekkja tilbake samtykt til at vi behandlar personopplysningane dine i ein rekrutteringsprosess. Vi kjem då til å fjerna søknaden og sletta personopplysningane som er knytte til søknaden frå rekrutteringssystemet.

Ved å senda inn søknaden din:

1. Erklærer du at du har lese, forstått og akseptert retningslinjene ovanfor
2. Erklærer du at opplysningane i søknaden din er fullstendige og rette.
3. Samtykkjer du til behandling og varetaking av dei innsende opplysningane