Kjøkkenassistent og vikar i Beito barnehage

Beito barnehage er bygd i 2005 og har lyse lokalar utforma med større og mindre rom. Barnehagen har 55 plassar fordelt på fleire avdelingar.
Barnehagen ligg plassert i eit roleg område, tett inntil skog og vatn. Vi har eit stort uteområde med naturtomt, der barna kan leike variert, utforske naturen og utfordre seg sjølv.  I barnehagen møter du eit godt kvalifisert personale som har fokus på fagleg utvikling og kompetanseheving til barn sitt beste. Fleksibilitet, tillit, humor og glede bidreg til eit godt arbeidsmiljø i barnehagen.   
 
Øystre Slidre kommune har fått tilskott til "toppa bemanning" i barnehagen, og vi ønskjer å bruke tilskottet til å tilsetje ein kjøkkenassistent for barnehageåret 2026/2027.
Stillinga er ledig frå dags dato og varer til og med 10.08.27. Stillinga er på 24% og har arbeidstid 3 timar 3 dagar i veka. Arbeidstida er ved lunsjtid.

Stillinga kan kombinerast med vikartimar på avdeling.

Arbeidsoppgåver

• Planlegge og tilbrede enkle måltid, i hovudsak lunsj
• Vaske og rydde opp etter måltid
•  Andre oppgåver kan vere aktuelle, med bakgrunn i erfaring og kompetanse til den som blir tilsett
• Vikartimar på avdeling kan vere aktuelt

Kvalifikasjonar

• Vi stiller ingen  formelle utdanningskrav, og vi søkjer deg som har interesse for matlaging, kan lage enkle måltid og har  interesse for å jobbe med barn
• Om du har vore utanfor arbeidslivet ei periode, er du velkommen til å søke
• Du må ha grunnleggande norskkunnskapar og forstå beskjedar som blir gitt
• Det er krav om politiattest etter barnehagelova §30
• Vi vil legge stor vekt på personlege eigenskapar i tilsettinga

Personlege eigenskapar

• Kunne samarbeide med og skape gode relasjonar til barn og vaksne i barnehagen
• Vere påliteleg og pliktoppfyllande
• Vere fleksibel når det gjeld arbeidsoppgåver
• Ha humor og glede i arbeidskvardagen

Vi tilbyr

• Eit godt arbeidsmiljø der du er ønska i stillinga
• Lønn etter kommunal tariff

Kontaktinformasjon

Dagny Viola Björklöf, Styrar Beito barnehage, +47 99500955

Arbeidsstad

Bygdinvegen 1989
2940 HEGGENES

Nøkkelinformasjon:

Arbeidsgivar: Øystre Slidre kommune

Referansenr.: 5184957191
Stillingsprosent: 24, 0%
Engasjement, Vikar
Søknadsfrist: 15.10.2026