Doktorgradsstipendiat på Matsikkerheit og Beredskap hos Forbruksforskingsinstituttet SIFO

OsloMet – storbyuniversitetet er det tredje største universitetet i Noreg, med 23 000 studentar og over 2600 tilsette. Vi har campus i Oslo sentrum og på Romerike. OsloMet leverer forsking og utdanning med høg relevans for arbeidslivet, velferdsstaten og storbyregionen.

Senter for velferds- og arbeidslivsforskning (SVA) ved OsloMet - storbyuniversitetet består av Arbeidsforskningsinstituttet (AFI), Velferdsforskningsinstituttet NOVA, By- og regionforskningsinstituttet NIBR og Forbruksforskningsinstituttet SIFO.

SIFO er landets leiande fagmiljø på forsking og utredning på forbrukaranes stilling og rolle i samfunnet. Vi er òg eit av dei største forbruksforskingsinstitutta i europeisk kontekst. Instituttet driver med oppdragsforsking som skal få fram og utvikle ny kunnskap på områder av relevans for forbrukarane. SIFO sitt arbeid skal ha eit vitskapeleg og praktisk siktemål der nytteverdien for de aktuelle brukarane tilleggas vekt. Les meir om instituttet her: https://www.oslomet.no/om/sifo 

Om stillinga

SIFO har ledig ei åremålsstilling som doktorgradstipendiat i prosjektet Strengthening national preparedness through local food systems, (FOODprepared), som er finansiert av Noregs forskingsråd.
Prosjektet vil gi eit teoretisk og analytisk rammeverk for å forstå korleis lokalsamfunn kan bli betre rusta til å tole framtidige nødssituasjonar og sikre berekraftig matsikkerheit. For dette føremålet tek vi sikte på å undersøkje følgjande tre delmål:

a) analysere sårbarheiter og styrkar i det norske matsystemet under kriser.
b) utforske potensialet for endringar i produksjon og forbruk for å styrkje matberedskapen på       lokalt og regionalt nivå.
c) informere lokal og nasjonal politikk som fremjar matsikkerheit.

Hovudmålet med doktorgradsarbeidet er å beskrive og forstå korleis hushald sine sårbarheiter og evner i ei krisesituasjon påverkar den langsiktige matsikkerheita. Arbeidet vil mellom anna bestå av intervju og fokusgrupper i utvalde kommunar i ulike regionar i Noreg. Funn frå doktorgradsarbeidet vil vere eit viktig bidrag til utforminga av eit vegkart for lokal matberedskap for norske kommunar.

Stillinga er eit engasjement med ei varigheit på 4 år, inkludert eitt års karrierefremjande arbeid. Det vil seie at 75 % av stillinga er knytt til doktorgraden, og 25 % vil vere arbeid i andre forskingsprosjekt på SIFO. Det er eit vilkår for tiltreding i stipendiatstillinga at ein blir tatt opp på eit doktorgradsprogram, og at endeleg plan for forskarutdanning skal vere godkjend og avtalefesta seinast 3 månader etter tiltreding.

Kvalifikasjonar

• mastergrad innan samfunnsvitskap, (til dømes statsvitskap, sosiologi, sosialantropologi eller samfunnsgeografi), og/eller samfunnsernæring, med gode karakterar, (gjennomsnittskarakter B eller betre på masternivå).
• erfaring med problemstillingar knytt til mat og matsikkerheit.
• gode kunnskapar innan kvalitative forskingsmetodar og erfaring med slike metodar.
• særs god framstillingsevne på norsk og engelsk, både skriftleg og munnleg.

•  kunnskap om forbruk og/eller forbruksforsking. 
• erfaring med å arbeide i forskingsprosjekt. 

• evne til å arbeide godt både sjølvstendig og i team.
• god evne til og interesse for tverrfagleg samarbeid.
• er strukturert og resultatorientert med god gjennomføringsevne. er fleksibel, løysingsorientert og tilpassingsdyktig.
• har gode kommunikasjons- og formidlingsevner.
• er personleg egna for stillinga. Å vere personleg egna byggjer på skjønnsmessige vurderingar basert på individuelle intervju og samtalar med referansar.

Krav til søknad 

• søknad som mellom anna beskriv motivasjonen din for stillinga og korleis bakgrunnen din gjer deg egna.
• CV, attestar og alle sider av vitnemål.
• komplett mastergradsoppgåve på engelsk eller eit skandinavisk språk.
• ei kort beskriving av ideane dine til dette forskingsprosjektet og korleis du kan studere dei (maks. 2 sider inkl. eventuelle referansar). Les mer om prosjektet her: https://www.oslomet.no/forskning/forskningsprosjekter/foodprepared
  
  Vi kan sende deg sjølve prosjektbeskrivinga, på forspørsel. Ta da kontakt med Tanja B. Jørgensen, (sjå under).
  
  
• eventuelle publikasjonar på eit skandinavisk språk og/eller engelsk som du ønskjer vurdert utover masteroppgåva (maks. 3 stk.). 

Stort engasjement og fagleg utvikling 

Som tilset ved SIFO blir du en del av eit solid og kunnskapsleiande fagmiljø. Gjennom stipendiatstillinga vil du få moglegheit til å bidra i forsking om- og utvikling av kunnskap om samfunnsvitskapelege forhold om mat. Stillinga kvalifiserer videre til vitskapelege stillingar ved universitet og høgskolar.  

Vi tilbyr deg 

• eit godt og stimulerande arbeidsmiljø på ein arbeidsplass i utvikling.
• fleksibel arbeidstid.  
• gode låne- og pensjons vilkår i Statens pensjonskasse. 

For meir informasjon  

Ta kontakt med forskingssjef Alexander Schjøll på e-post alexan@oslomet.no eller  
telefon 952 88 945.

Stillinga lønnast etter statens lønnsregulativ, stillingskode 1017 stipendiat, kroner 550 800,- pr. år, med 3 % årleg stigning.

Vil du søke på stillinga, registrer din søknad og CV m/vedlegg ved å nytta knappen «logg inn og søk stillinga» øvst i utlysinga.  

 Har du problem med søknadsportalen, kontakt Tanja Blickfeldt Jørgensen, tanjabli@oslomet.no 

OsloMet ønsker at våre medarbeidarar i størst mogleg grad gjenspeiler mangfaldet i befolkninga. Vi oppfordrar derfor kvalifiserte søkarar med innvandrarbakgrunn eller redusert funksjonsevne til å søke stillinga. OsloMet er en IA-bedrift, og førespurnader om tilretteleggings moglegheiter kan rettes til kontaktpersonen(e) i denne annonsen. 

Vi gjer oppmerksame på at opplysningar om din søknad kan bli offentleggjort sjølv om du har bedt om unntak frå offentleg søkarliste. Du vil bli varsla om dette.  

Søknadsfrist 8. desember 2025

OsloMet er https://euraxess.ec.europa.eu/jobs/charter sertifisert av https://ec.europa.eu/info/index_en med rettar til å bruke logoen https://www.euraxess.es/spain/services/human-resources-strategyresearchers-  
hrs4r (HRS4R) og medlem i nettverket https://www.euraxess.no/ som bidreg til gode  
arbeidsforhold for mobile forskarar.  

OsloMet har slutta seg til prinsippa og forplikta institusjonen til å følgje tilrådingane i https://sfdora.org/read/ (The San Francisco Declaration on Research Assessment).  

Tilsetjinga vert gjennomført etter prinsippa i https://lovdata.no/dokument/NL/lov/2017-06-16-67 og lovverk som regulerer eksport av kunnskap, teknologi og tenester. Søkarar som er i konflikt med dette regelverket vil ikkje bli rekna som kvalifiserte for stillinga.  

Besøk OsloMet på https://www.linkedin.com/school/oslomet/mycompany/verification/, https://www.facebook.com/oslomet, https://www.instagram.com/oslomet/