Lærling Dyrefag

Stend vidaregåande skule har om lag 550 elevar innan Naturbruk, Idrettsfag, Sal service og reiseliv, Påbygging til generell studiekompetanse og klassar med redusert elevtal. Skulen ligg vakkert til ved Fanafjorden i Bergen kommune og har om lag 200 tilsette. Stend vidaregåande skule arbeider aktivt med å utvikle organisasjonen og studietilbodet, slik at tilbodet til den einskilde elev skal bli best mogleg. Skulen har store ambisjonar, og har som mål å vere leiande innanfor dei programområda skulen tilbyr. Stend har fokus på læring gjennom praksis og tett samarbeid med næringslivet.  Stend vidaregåande skule har for tida 10 klassar med redusert elevtal innan Yrkesfagleg grunnutdanning, Arbeidstrening og Kvardagslivstrening. I tillegg gjev skulen nokre elevar opplæring gjennom individuelle tiltak.

Stend Vgs søkjer etter ein ny lærling ved smådyravdelinga på skulen. 

Arbeidsoppgåver

Du er med på å drifte smådyravdelinga med stell av dyra i lag med driftsansvarleg. Daglege oppgåver er å stelle dyr som ikkje inngår i dagens undervisning, leggje til rette for at Stends elevar får god praktisk undervisning med yrkesretta oppgåver. Du kommuniserer med, og legg til rette for, elevar og lærarar. Du kan òg inngå i anna drift- og utviklingsarbeid.

Kvalifikasjonar

Gjennomgått og bestått Vg1 naturbruk
Gjennomgått og bestått Vg2 Heste- og dyrefag med vekt på dyrefag (dyrehelse/hund), hestefag eller Vg2 Landbruk- og gartnernæring

Personlege eigenskapar

Du har eit ekte engasjement for dyr og velferda til dyr
Du brenn for at elevar på Stend VGS får den beste skuledagen
Du har gode kommunikasjonsevner og har lett for å ha kontakt med elevar, voksne eller ein kunde
Du er ryddig og reinsleg
Du vekkjer tillit og er truverdig
Du er interessert i kunnskapsutvikling i dyrefaget Du kan samarbeide med andre, samt jobbe sjølvstendig 

Vi tilbyr

Løns- og arbeidsvilkår fastsett i lov og avtaleverk
Fagleg opplæring og utvikling i samsvar med læreplan
Fagprøve ved slutten av læretida
Stend er ein arbeidsplass med eit godt sosialt miljø og stor fagleg breidde, der du vert inkludert i eit aktivt og positivt miljø

Andre opplysningar
Administrasjonsmålet i fylkeskommunen er nynorsk.
Alle nytilsetjingar vert gjort med ei prøvetid på 6 månader.
Den som skal tilsetjast i vidaregåande skule må leggje fram politiattest
Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjord

Kontaktinformasjon

Janne Seilen, avdelingsleiar, 92094232

Arbeidsstad

Fanavegen 249
5244 Fana

Nøkkelinformasjon:

Arbeidsgivar: Vestland fylkeskommune

Referansenr.: 5017588771
Stillingsprosent: 100%
Fast
Startdato: 20.10.2025
Sluttdato: 19.10.2027
Søknadsfrist: 02.10.2025