Overlege hud og venerologi

Er du hudlege med eit brennande engasjement for faget, samtidig som du har lyst å vere med å utvikle framtidas helseteneste for desse pasientane? 
Da ønsker vi å ha med nettopp DEG på laget! 

Hud poliklinikk i Kristiansund har ledig fast 100 % stilling for overlege innan hud og venerologi.

Seksjonen arbeider framtidsretta og utforskar korleis teknologi kan bidra til å vidareutvikle tenestene våre. Vi har allereie innført behovsstyrt oppfølging for utvalde pasientgrupper, og er i startfasen med å implementere teledermatologi.
Helse Møre og Romsdal HF har hudpoliklinikkar både i Kristiansund og Ålesund, med totalt fire overlegestillingar innan hud- og venerologi. På grunn av stor pågang av tilvisingar ser vi behov for å styrke kapasiteten, og vi ønskjer derfor å knyte til oss fleire hudlegar.

Vi søker deg som ønsker ein variert og fagleg utfordrande kvardag innan eit spennande medisinsk felt. Hos oss får du høve til å vere med på å vidareutvikle hud- og venerologifaget saman med engasjerte og dyktige kollegaer.
Seksjonen er godkjent som utdanningsinstitusjon innan dermatologi, og tilbyr behandling innan generell dermatologi, inkludert mindre hudkirurgiske inngrep. Vi har ikkje sengepost og det er heller ikkje knytt vaktberedskap til stillinga.
Oppstart kan avtalast etter nærare dialog.

Arbeidsoppgåver

• Utgreiing og behandling av alle typer hudsjukdommar
• Veiledning av lege i spesialisering

Kvalifikasjonar

• Godkjent norsk spesialitet innan hud og venerologiske sjukdommar
• Gode munnlege og skriftlege norskkunnskapar

Personlege eigenskapar

• Du har evne til å arbeide sjølvstendig
• Du har gode samarbeidsevner
• Du er ansvarsbevisst
• Du har gode kommunikasjonsevner
• Du bidreg til eit godt arbeidsmiljø
• Du deler gjerne kunnskap med andre
  

Å vere personleg eigna vert vektlagt ved tilsetting.

Vi tilbyr

• Utfordrande og spennande arbeidsoppgåver 
• Eit godt arbeidsmiljø og gode moglegheiter for fagleg utvikling 
• Sterkt tverrfagleg samarbeid
• Ein inkluderande arbeidsplass
• Løn etter gjeldande overeinskomstar
• Medlemskap i god offentleg pensjonsordning og fordelaktige forsikringsvilkår

Vi ber om at vitnemål og attester vert lasta opp som vedlegg til søknaden.

Den fargerike opera- og klippfiskbyen Kristiansund er perla på Nordmøre. Her finn du eit rikt kulturtilbod med eige operahus som har fleire oppsetjingar og konsertarrangement kvart år. Like utafor byen kan du oppdage den spektakulære Atlanterhavsvegen og fleire sjarmerande fiskevær. Byen har eigen flyplass med fleire daglege avgangar til Oslo og Bergen. Les meir om Kristiansund og Nordmøre her. 

Kontaktinformasjon

Ida Grøtta Barstad, Seksjonsleiar, 70105458, Ida.Grotta.Barstad@helse-mr.no

Arbeidsstad

Herman Døhlens vei 1
6508 Kristiansund

Nøkkelinformasjon:

Arbeidsgivar: Helse Møre og Romsdal HF

Referansenr.: 5024296306
Stillingsprosent: 100%
Fast
Søknadsfrist: 16.10.2025