Lærar i fellesfag

Skulen ligg i bysenteret Odda i Ullensvang kommune. Området er kjent for dramatisk landskap med fjord, fjell, brear og fossar. Dette gjev svært gode føresetnader for ulike aktivitetar, men er òg grunnlaget for verdsleiande industri. Hardanger og fruktdyrking er eit kjent omgrep, og aktivitetsturisme er blitt eit stort satsingsområde. Gjennom året vert det arrangert større og mindre kulturarrangement i kommunen, t.d. Hardanger musikkfest, Litteratursymposiet, Blueshelga, Sus & Dus, Morellfestivalen og Siderfestivalen.

Odda vidaregåande skule er ein skule med omlag 275 elevar og 55 tilsette, som er fordelt på studieførebuande program og yrkesfagleg program. Vi har eigen avdeling for tilrettelagt opplæring, samt landsline i smedfaget. 

Skulen søkjer etter lærar med undervisningskompetanse i vidaregåande skule i fleire fellesfag, gjerne master med engelsk og matematikk i fagkretsen. Stillingen er på 100% og fast.

Arbeidsoppgåver

Undervisning i fellesfag på studiespesialiserande og yrkesfag.
Planlegge og gjennomføre opplæring i tråd med læreplanmåla.
Delta i lærarteam og pedagogisk utviklingsarbeid.
Tilretteleggje og samarbeide om eit godt og effektivt læringsmiljø.
Samarbeid med kollegaer og føresette.
Oppgåver som kontaktlærar, undervisning i tilrettelagte grupper og for minoritesspråklege kan vere aktuelt

Kvalifikasjonar

Formell fagleg og pedagogisk utdanning som kvalifiserer for undervisning i vidaregåande skule.
Ønskjeleg med undervisningserfaring.
Erfaring med bruk av IKT som arbeidsverktøy.

Personlege eigenskapar

Engasjert i faga dine og motivert til å undervisa ungdomar.
Tydeleg klasseleiar, med evne til å skapa gode elevrelasjonar og godt klassemiljø.
Du likar å arbeide med ungdom og er ein god rollemodell.
Du har ei positiv innstilling og skaper gode relasjonar.
Du ser behova til den enkelte elev.
Du er ein god lagspelar, er god til å samarbeide og deler av kunnskapen din.
Du arbeider strukturert og systematisk.
Du har gode digitale ferdigheiter
Du har gode skriftlege og munnlege norskferdigheiter.

Vi tilbyr

Ein moderne skule med eit aktivt og godt arbeidsmiljø.
Utfordrande og spennande arbeidsoppgåver i ein skule med mangfold og utvikling.
Løn og lønsutvikling i tråd med Vestland fylkeskommune sin lønspolitikk.
Gode forsikrings- og pensjonsordningar.

Kontaktinformasjon

Geir Veland, rektor                        , 97143273

Arbeidsstad

 

Nøkkelinformasjon:

Arbeidsgivar: Vestland fylkeskommune

Referansenr.: 5012322858
Stillingsprosent: 100%
Fast
Søknadsfrist: 19.09.2025