Bibliotekar

Vi søker ein dyktig og engasjert medarbeidar til ei spanande stilling på biblioteka i kommunen.

Haramsbiblioteka består av biblioteka i Brattvåg, Eidet, Lepsøy, Haramsøy og Longva. Biblioteka er organisert under kommunedirektøren sin stab i fagområdet Bibliotek, og blir fagleg leia av bibliotekleiar. 

Største delen av stillinga vil ligge til hovudbiblioteket i Brattvåg. Det påreknast jobb på dagtid, ettermiddag/kveld og laurdagar.

Alle tilsette utfører skrankearbeid, hjelper besøkande, følger opp bestillingar, utlån og innlevering. Alle hjelper også til med planlegging og gjennomføring av arrangement. I tillegg kan andre oppgåver påreknast.   

Vi er omstillingsdyktige og opptekne av utvikling. Målet vårt er at biblioteka skal vere stader for folkeopplysning og livslang læring. Samtidig bidreg vi til å redusere einsemd og forskjellar i samfunnet ved å vere ein gratis møteplass for alle.

På biblioteka møtast folk på tvers av alder, kjønn, utdanning, demografi og etnisitet. I tillegg til rettleiing, tilbyr vi innbyggarane ulike arrangement, som til dømes barnehage- og skulebesøk, forfattarbesøk, seniortreff og babytreff.

Vi satsar på både det fysiske og det digitale biblioteket. Stillinga kan difor innehalde arbeid med SoMe-kontoane til Haramsbiblioteka.

Haram kommune er oppteken av gode, heilskaplege tenester, og har fokus på arbeid på tvers av tenesteområda for å skape gode tenester for innbyggarane våre. I Haram jobbar vi for å spele kvarandre gode.

Dersom du er glad i både menneske og litteratur, har vi trua på at du er den rette søkaren.

Arbeidsoppgåver

• Skrankearbeid - opplæring i Bibliofil kan bli gitt
• Indre arbeid som til dømes istandgjering av nye bøker
• Rydde og sette på plass bøker
• Ansvar for fleirspråkleg depot
• Hjelpe besøkande - unge som gamle
• Aktiv formidling - rettleie besøkande, blant anna ved å finne rett bok til rett lesar
  
• Digital formidling - heimesida, Friskus og SoMe-kontoane til Haramsbiblioteka
• Bistå i planlegging og gjennomføring av arrangement
• Samarbeid med Haram frivilligsentral og ulike lag og foreiningar
• Samarbeid med innbyggarservice, helsestasjonar, skuler og barnehagar i Haram

Andre arbeidsoppgåver kan førekome.

Kvalifikasjonar

• Ønskeleg med bachelor i bibliotekfag og/eller bibliotekerfaring
• Gode norskkunnskapar, både skriftleg og munnleg
• God kompetanse i bruk av digitale verktøy
• Erfaring frå kundebehandling
• Ønskeleg med erfaring frå arbeid med barn

Relevant erfaring frå arbeid ved bibliotek kan vege opp for formelle kvalifikasjonar

Søkar må ha førarkort klasse B.

Personlege eigenskapar

• Positiv og kreativ
• Ein trygg vaksenperson
• God på å kommunisere med alle typer menneske
• Hjelpsam og serviceinnstilt
• Balanse mellom å vere sjølvstendig og ha evne til godt samarbeid
• Eit blikk for oppgåver som må gjerast

Vi tilbyr

• Moglegheit til å gjere ein forskjell i dei besøkande sine liv
• Ein variert arbeidskvardag som du kan vere med å forme
• Eit godt arbeidsmiljø med dyktige medarbeidarar
• Løn i samsvar med gjeldande tariffavtalar
• God pensjonsordning

Kontaktinformasjon

Eva Ulla Myren, Gruppeleiar, 98897422, eva.ulla.myren@haram.kommune.no

Arbeidsstad

Strandgata 40
6270 Brattvåg

Nøkkelinformasjon:

Arbeidsgivar: Haram kommune

Referansenr.: 5013259098
Stillingsprosent: 100%
Fast
Søknadsfrist: 28.09.2025