Bømlo kommune søkjer økonomisjef

Bømlo kommune søkjer no ein ny økonomisjef som vil ta over stafettpinnen og bidra til å forma framtida i ein kommune med høge ambisjonar og sterke verdiar. Me ser etter ein strategisk og utviklingsorientert økonomisjef som vil leia økonomiavdelinga og spela ei sentral rolle i kommunedirektøren si leiargruppe. Du får ansvar for budsjett, rekneskap, økonomistyring og finansforvaltning, og skal bidra til berekraftig samfunnsutvikling gjennom god økonomisk planlegging og leiing.

Arbeidsstad vil vere ved Bømlo rådhus på Bremnes. Stillinga rapporterer til kommunedirektøren.

ANSVAR OG ARBEIDSOPPGÅVER

Som økonomisjef har du overordna ansvar for kommunen sin økonomi og finansforvaltning. Du skal leia og vidareutvikla økonomiavdelinga og sikra at Bømlo kommune har god økonomistyring og langsiktige planar på plass.

Relevante arbeidsoppgåver vil vere

• Budsjett og rekneskap: leia budsjettprosessen, sørgja for nøyaktig rekneskapsføring og økonomiplanar, samt følgja opp at vedtatt budsjett blir halde.
  
• Økonomistyring og rapportering: sikra god kontroll på utgifter og inntekter gjennom året og rapportera jamleg til administrativ og politisk leiing. Du har ei sentral rolle i å formidla økonomiske analysar og innsikt på ein forståeleg måte, slik at både organisasjonen og politikarane har god økonomisk forståing.
  
• Strategi og utvikling: vera ein aktiv bidragsytar i kommunen si overordna planlegging. Du skal sjå økonomi i samanheng med tenesteutvikling, identifisera handlingsrom og føreslå tiltak som fremjar ei berekraftig utvikling for Bømlo-samfunnet.
  
• Samarbeid og leiarskap: delta i kommunedirektøren si leiargruppe og bidra til godt tverrfagleg samarbeid. Du jobbar tett med verksemdsleiarar og andre fagmiljø for å integrera økonomiske perspektiv i alt frå samfunnsplanar til dagleg drift. Som leiar for økonomiavdelinga motiverer og utviklar du medarbeidarane dine og byggjer eit sterkt fagmiljø.

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast.

DIN PROFIL

Me ser etter deg som har erfaring innan økonomistyring og finansielle analysar, samt gode digitale ferdigheiter og systemforståing. Det er fordelaktig om du trivast med å jobbe strategisk med å tilpasse og utvikle digitale løysingar som møter kommunen sitt behov. For å lykkast i rolla trur me også at det er viktig at du er ein god kommunikator som formidlar økonomi på ein forståeleg måte og byggjer gode relasjonar.

Vidare ser me for oss at du 

• Har høgare utdanning innan økonomi, fortrinnsvis masternivå. 
  
• Har relevant leiarerfaring.
  
• Er utviklingsorientert og analytisk, ved at du ser heilskapen og tenkjer langsiktig.
  
• Har god framstillingsevne på norsk.
  
• Er strukturert og fleksibel og handterer varierte oppgåver med målretta innsats.
  
• Er ein trygg og engasjerande leiar, du motiverer medarbeidarar og tek ansvar.
  

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga.

KVIFOR BØMLO KOMMUNE?

• Ei nøkkelstilling i ein framoverlent kommune. Dette er ei utfordrande og lærerik toppleiarstilling.
  
• Eit kompetent og engasjert arbeidsmiljø. Økonomiavdelinga hos oss består av flinke folk med høg kompetanse som gledar seg til å få ein ny leiar på laget. Elles i organisasjonen vil du møta ein kultur prega av samarbeid og openheit, der me lever etter verdiane våre: raus, modig og engasjert.
  
• Gode offentlege pensjons- og forsikringsordningar (KLP).
  
• Konkurransedyktige løns- og avtalevilkår.
  
• Mogleg medlemskap med tilsettegoder i velferdsklubben.
  
• Trivelege kollega, kantine og eige kontor.

Søknadsfrist: 30. oktober – søknadar vurderast fortløpande

Ønskjer du meir informasjon om stillinga?

Ta kontakt med rekrutteringspartnaren vår HAMNØY ved rådgjevarane

• Johanna Grindhaug, tlf. 959 33 056
  
• Allette Solberg, tlf. 900 20 132

Registrer og send inn CV og søknad snarast, og hugs å leggje ved alle relevante attestar og vitnemål. Rekrutteringspartnaren vår behandlar alle førespurnader konfidensielt – også for oss i Bømlo kommune i den innleiande fasen dersom det er ønskjeleg.

Oppstart etter avtale.

Kontaktinformasjon

Johanna Grindhaug, Rådgiver - research & analyse, +47 959 33 056, jg@hamnoy.no
Allette Solberg, Rådgiver, + 47 900 20 132, as@hamnoy.no

Nøkkelinformasjon:

Arbeidsgiver: HAMNØY AS

Referansenr.: 5024346492
Stillingsprosent: 100%
Fast
Søknadsfrist: 30.10.2025