Overlege nyresjukdomar

Medisinsk avdeling ved Sjukehuset Nordmøre og Romsdal (SNR) treng ein ny nefrolog på laget.

Vår ambisjon er å vere ein av Norges beste indremedisinske seksjonar, med særleg fokus på kvalitet, utdanning og arbeidsmiljø.
Den medisinske legegruppa består av om lag 60 legar og 18 LIS1-legar. Vi har spesialistar innan alle indremedisinske fagområde. Avdelinga er godkjend utdanningsverksemd innan indremedisin, kardiologi, lungesjukdomar, gastroenterologi, hematologi, infeksjonsmedisin, endokrinologi, geriatri og nyremedisin.

Sengepostane er fagseksjonerte, og vi har òg ein eigen indremedisinsk seksjon der inneliggjande pasientar med nyremedisinske og endokrinologiske problemstillingar blir tekne hand om.
Vi har eit svært godt arbeidsmiljø og heilt nye lokale. Hos oss er det kaffi i koppen, fredagsbingo, godt humør og ein kultur prega av opne dører og låg terskel for samarbeid.

Nyremedisinsk seksjon har i dag ein seksjonsoverlege og ein LIS3-lege. Endå ein LIS3-lege startar om kort tid. Seksjonen har ansvar for dialyseeiningane ved SNR Hjelset og SNR Kristiansund, nyrepoliklinikk, utdanning og felles sengepostansvar ved den indremedisinske sengeeininga.
Som overlege hos oss vil hovuddelen av arbeidet vere knytt til nyrepoliklinikken. Arbeidsoppgåvene vil elles bli nærare avtalte i samarbeid med den som blir tilsett.

Oppstart i stillinga etter avtale med leiar.

Arbeidsoppgåver

• Nyremedisinsk poliklinikk
• Undervisning i nyremedisin
• Supervisjon og veiledning av LIS3

Kvalifikasjonar

• Norsk autorisasjon som lege
• Spesialistgodkjenning i nyremedisin
• Meistre norsk språk, skriftleg og munnleg
• Erfaring fra nyremedisinsk avdeling vektlegges

Personlege eigenskapar

• Du er positiv
• Du har gode samarbeids- og kommunikasjonsevner
• Du jobbar godt aleine og i team
• Du er opptatt av evidensbasert medisin, og å jobbe kontinuerleg med fagleg utvikling
• Du er strukturert og fleksibel
• Du deltek aktivt i arbeidet med å utvikle seksjonen og for eit godt arbeidsmiljø
• Du er svolten på ny kunnskap og erfaring

Å vere personleg eigna vert vektlagt ved tilsetting.

Vi tilbyr

• Spesielt godt arbeidsmiljø
• Sterkt faglig fokus
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert lasta opp som vedlegg til søknaden din.

Møre og Romsdal har mykje å vise fram! Her er eit mangfold av fjordar, øyer og fjell som ventar på å få begeistre deg. Opplev ville og vakre Sunnmørsalper i Volda, opera og klippfisk i Kristiansund, roser og jazz i Molde og jugendarkitektur i Ålesund. Regionen har et rikt kultur- og konsertliv med både nasjonale og internasjonale artistar, nærhet til flyplass og eit framoverlent næringsliv. Les meir om Møre og Romsdal her. 

Kontaktinformasjon

Ida Camilla Monn Birkhaug, Seksjonsleiar (lege), Ida.Camilla.Monn.Birkhaug@helse-mr.no

Arbeidsstad

Opdølvegen 4
6450 Hjelset

Nøkkelinformasjon:

Arbeidsgivar: Helse Møre og Romsdal HF

Referansenr.: 5175643885
Stillingsprosent: 100%
Fast
Startdato: 04.01.2027
Søknadsfrist: 06.09.2026