Rådgivar kliniske studiar (Clinical Research Associate/monitor)

Vil du arbeide med kliniske studiar og løfte medisinsk forsking i sjukehusa?  
 
Vi søker etter ein dyktig rådgivar innan kliniske studiar. Kliniske studiar er eit satsingsområde ved sjukehusa i Helse Vest, og det er auka behov for forskingsstøtte til fagmiljøa. Stillinga vil inngå i eit tverrfagleg team som gir eit heilskapleg tilbod om forskingstøtte. Vi søker personar med høg arbeidskapasitet, nøyaktigheit og fleksibilitet og som kan handtere ulike og varierande oppgåver. Som Clinical Research Associate/monitor vil du ha ei viktig rolle i kvalitetskontroll av kliniske studiar.  

Stillinga ligg til eininga Forsking og innovasjon (FoI), som er organisert ved Forskings- og utviklingsavdelinga. FoI har ansvar for støtte- og rettleiingstenester innan forsking for alle sjukehusa i Helse Vest, og innan innovasjon for Haukeland universitetssjukehus. FoI har ca. 65 medarbeidarar med høg kompetanse på ulike fagområde innan medisin, helsefag, kommunikasjon, jus, økonomi og forvaltning. Vi har mellom anna ansvar for Regionalt kompetansemiljø for klinisk forsking, som legg til rette for tildeling av regionale forskingsmidlar og regionalt samarbeid om forsking.   

FOI bidrar også i regionale, nasjonale og europeiske nettverk. Eit eksempel er NorTrials, eit nasjonalt initiativ for å auka samarbeid mellom sjukehusa og næringslivet om kliniske studiar. Eit anna eksempel er det norske og europeiske forskingsstøttenettverket for kliniske studiar, NorCRIN (Norwegian Clinical Research Infrastructures Network), som vi leier, og ECRIN (European Clinical Research Infrastructures Network), som vi deltar i. Som rådgivar vil du kunne arbeide for og samarbeide med desse nettverka og andre som vi til ei kvar tid er involverte i.  

Vi søker etter ein ny medarbeidar som skal arbeide med kliniske studiar i sjukehusa. Aktuelle arbeidsoppgåver er lista under. Skriv meir i søknaden om kva du er interessert i og har kompetanse på.      

Arbeidsoppgåver

• Monitorering og oppfølging av kliniske studiar, hovudsakleg ved Haukeland universitetssjukehus og dei andre sjukehusa i Helse Vest-området. Noko reising må påreknast     
• Generell forskingsstøtte for kliniske studiar, i hovudsak studiar knytt til utprøving av legemiddel 
• Utarbeiding av studiedokument, søknadsskriving, avtaleoppsett, budsjettering, fagleg- og økonomisk rapportering mv  
• Monitorering og oppfølging av kliniske studiar etter gjeldande regelverk, t.d. ICH-GCP, SOP-ar etc. ved sjukehus og andre institusjonar i Helse Vest-området
• Utarbeiding av studiedokument, søknadsskriving, avtaleoppsett, budsjettering, fagleg- og økonomisk rapportering mv  
• Gi råd og rettleie kliniske utprøvarar og forskargrupper i tråd med gjeldande nasjonalt og internasjonalt regelverk, til dømes Good Clinical Practice og ICH-GCP
• Handtere førespurnader om mogelege nye studiar frå industrien («feasibility»)
• Delta i fagmiljø, nettverk og konferansar og halde faglege innlegg for opplærings- og formidlingsføremål. Noko reising vil bli nødvendig i samband med slike aktivitetar 
• Andre oppgåver som ligg til Forsking og innovasjon

Kvalifikasjonar

• Formell utdanning på mastergradsnivå i farmasi  
• Erfaring frå kliniske studiar er ønskeleg  
• God forståing for økonomi/budsjett er ønskeleg  
• Erfaring med undervisning, møteleiing og teamarbeid er ønskeleg  
• Gode ferdigheiter i munnleg og skriftleg kommunikasjon på norsk, slik at du snakkar og skriv klart, kortfatta og korrekt  
• Gode ferdigheiter i munnleg og skriftleg kommunikasjon på engelsk er nødvendig, ettersom vi ofte nyttar engelsk som arbeidsspråk  

Personlege eigenskapar

Personlege eigenskapar blir vektlagt.  

• Kan arbeide sjølvstendig, systematisk og nøyaktig  
• Serviceinnstilt og kan lytte til og samarbeide med andre, på tvers av fag og einingar  
• Positiv haldning til å tileigne og dele kunnskap  

Vi tilbyr

• Fast stilling med meiningsfylte og utfordrande oppgåver  
• Tverrfagleg og godt arbeidsmiljø i trivelege lokale på Haukelandsområdet  
• Fagleg utvikling  
• Fleksibel arbeidstid  
• Lønn etter avtale 

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Anne Mathilde Henden Kvamme, Fagleiar, 90655238, anne.mathilde.henden.kvamme@helse-bergen.no

Arbeidsstad

Jonas Lies vei 68
5053 BERGEN

Nøkkelinformasjon:

Arbeidsgivar: Helse Bergen HF

Referansenr.: 5018600627
Stillingsprosent: 100%
Fast
Søknadsfrist: 12.10.2025