Jordmor - inntil 100% vikariat

Som jordmor i Vest-Telemark får du arbeide i eit jordmorstyrt fellesskap, med stor variasjon og nærleik til kvinnene. Å arbeide som jordmor i Vest-Telemark krev at du trivst med å arbeide sjølvstendig, og i eit distrikt med store avstandar - men du får også nærleik til natur og eit godt fagmiljø!

Jordmorsamarbeidet i Vest-Telemark er organisert etter vertskommunemodellen, der Vinje kommune er vertskommune og arbeidsgjevar. Saman dekkjer me kommunal oppfylging i svangerskap og barseltid, og døgnkontinuerleg beredskap- og fylgjeteneste ved Jordmorvakta i Seljord. Kommunane Vinje, Seljord, Kviteseid og Fyresdal deltek i jordmorsamarbeidet, medan Tokke kommune kun deltek i vaktsamarbeidet med dei andre kommunane.

Me har ledig eit vikariat i 60 % på Vinje helsestasjon. Om du ynskjer å jobbe meir enn 60 % er det høve til å jobbe på jordmorvakta i Seljord i kombinasjon med helsestasjonsstillinga, med total stillingsprosent på inntil 100 %. Det er høve til å tilpasse helsestasjonsdagar og stillingsbrøk. 

Arbeidsoppgåver

• Gjennomføre svangerskapskonsultasjonar i tråd med nasjonale retningsliner, inkludert samtaler, undersøkingar og vurderingar
• Førebuande kurs og individuelle samtaler om amming, fødsel og barseltid
• Utføre heimebesøk og etterkontrollar med fokus på både mor og barn si helse og trivsel
• Dokumentere i elektronisk pasientjournal og samarbeide tett med helsesjukepleiarar, fastlegar og andre relevante fagpersonar
• Delta i fagmøte og bidra til kontinuerleg fagutvikling i jordmorsamarbeidet
• Fylgjeteneste og beredskap på Jordmorvakta i Seljord 

Kvalifikasjonar

• Autorisert jordmor
• Førarkort klasse B og tilgang til eigen bil
• Om du skal jobbe på Jordmorvakta i Seljord er det eit krav at du har erfaring frå fødeavdeling eller liknande
• Det er ynskje om at du har arbeidserfaring frå svangerskaps- og barselomsorg
  
• Det er ein fordel om du har kompetanse innan kvinnehelse
  

Personlege eigenskapar

• Du har eit sterkt engasjement for å gje gravide, barselkvinner og deira familiar tryggleik og støtte gjennom heile forløpet
• Du held deg fagleg oppdatert, og nyttar kunnskap aktivt i di yrkesutøving
• Du bidreg i tverrfagleg samarbeid med relevante samarbeidspartnarar
• Du bidreg til eit positivt og støttande arbeidsmiljø, og delar kunnskap og erfaring med kollegaer
• Du har evne til å tilpasse deg ulike situasjonar og er løysingsorientert 
• Du tek ansvar for eigne oppgåver, planlegg arbeidet godt og har evne til prioritere 
  

Vi tilbyr

• Du blir ein del av eit fagleg sterkt jordmorsamarbeid med faste fagmøte
• Du får relevant opplæring ved oppstart, og fagleg støtte undervegs
• Løn i 100 % stilling: 850 000 kr
• God forsikrings- og pensjonsordning

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Helene Mølster Byggland, Avdelingsleiar jordmorstenesta, 40907794, helene.molster@vinje.kommune.no

Arbeidsstad

Vinjevegen 212
3890 Vinje

Nøkkelinformasjon:

Arbeidsgivar: Vinje kommune

Referansenr.: 5042331909
Stillingsprosent: 100%
Vikar
Startdato: 26.01.2026
Sluttdato: 01.09.2026
Søknadsfrist: 01.12.2025