Sommarjobb: Digital innhaldsprodusent i Nordfjordkompaniet!

Er du kreativ, engasjert og glad i å formidle gode historier? Studerer du kommunikasjon, marknadsføring, medieproduksjon eller liknande? Eller er du berre veldig glad i slikt arbeid? Då kan dette vere sommarjobben for deg!

Om oss

Nordfjordkompaniet jobbar for å gjere Nordfjord til ein endå betre stad å jobbe, leve og bu. Vi samlar på superkrefter og skapar spennande prosjekt som knyter saman næringsliv, utdanning og lokalsamfunn. No ser vi etter ein digital innhaldsprodusent som kan hjelpe oss med å formidle desse historiene på ein engasjerande måte.

Om stillinga

Som digital innhaldsprodusent vil du få ansvar for å skape innhald til våre digitale plattformer. Dette kan vere alt frå artiklar og SoMe-innlegg til foto og video. Vi tenkjer å ta ut litt ferie i sommar og ein del av tida vil det nok vere ganske få på jobb. Derfor må du kunne vere ganske sjølvgåande -- men vi vil sjølvsagt jobbe tett med deg før vi ein etter ein stikk av på ferie. Om du har lyst på nokon veker ferie i juli er det ikkje noko problem.

Arbeidsoppgåver:

• Lage historier frå heile Nordfjord med studentar som er i sommarjobb

• Vere med på stand på Malakoff

• Bidra med idear til korleis vi kan bli endå betre på det arbeidet vi gjer for best å nå målgruppene våre

• Har du eit eige prosjekt du gjerne kunne tenkt deg å satt ut i livet? Om det passar inn hos oss hadde det vore heilt supert!

Kven er du?

• Du har erfaring med innhaldsproduksjon og digitale verktøy -- det vere seg gjennom hobby, studie eller jobb

• Du er kreativ, initiativrik og har eit godt blikk for visuell kommunikasjon

• Du blir glad når du får ein high-five om morgonen

• Du har lappen då det kjem til å bli ein del reising -- du får sjølvsagt bruke ein av våre bilar

Vi tilbyr:

• Sommarjobb i 4 eller 5 veker -- kva veker er litt opp til deg men det må vere i månadane juni, juli eller august

• Eit kreativt og sosialt arbeidsmiljø -- men vi håpar du kan utfordre oss på korleis vi skal nå studentar i kommunikasjonen vår

• Fleksibel arbeidsstad i vakre Nordfjord -- dei som jobbar mest med dette sitt på kontoret i Stryn og derfor må du vere her ein del i starten av sommarjobben

Er dette noko for deg? Send oss ein søknad og fortel kvifor du vil jobbe med oss i sommar!

Om det er noko du lurer på er det berre å ringe Tonje på 940 57 325 eller sende ein e-post på tonje(a)nordfjordkompaniet.no

#sommarjobb #sommarjobbivest