Einingsleiar 

Einingsleiar 100% 

Sjukeheimstenesta overtar frå hausten 2025  ansvar for omsorgsbustader på Ostertunet og vi utvidar leiarteamet vårt . Ostertunet består av 28 omsorgsbustader . 

Tilsettgruppa vil bestå av sjukepleiarar, helsefagarbeidarar og pleiemedarbeidarar.  Som einingsleiar ved avdeling Ostertunet vil du ha moglegheit til å setje ditt preg på avdelinga og byggja eit godt fagleg  og godt samansveisa team .

Om sjukeheimstenesta i Alver kommune

Sjukeheimstenesta i Alver består av 6 sjukeheimar: Velferdsenteret, Lindås bu og servicesenter, Såta bu- og Servicesenter, Meland Sjukeheim, Knarvik Sjukeheim, Helsehuset, og frå hausten  2025 overtar me ansvaret for omsorgsbustad pluss på Manger og Ostereidet. Sjukeheimstenesta har totalt 205  sjukeheimsplassar fordelte på langtid, korttid, rehabilitering og plassar til rulleranda avlasting. 

Me har 49 omsorgsbustader pluss , der 5 av bustadene på Manger blir brukt til avlasting. 

Me har eigne legar som er tilsett i sjukeheimstenesta. I tilegg er også kommunalt kjøkken organisert i sjukeheimstenesta. 

Arbeidsoppgåver

Er du ein god rollemodell som kan bidra til å skapa eit trygt og engasjerande arbeidsmiljø? Som leiar vil du ha heilskapleg ansvar for drift av avdelinga, under dette ansvaret for personal, HMS , fag og økonomi. Stillinga rapporterer direkte til tenesteleiar og inngår i leiargruppa til tenesteleiar. 

Dine hovudoppgåver vil vera:

• Sikre eit høgt fagleg nivå på tenestetilbodet
• Organisera og utarbeida årlege turnusar
• Følgje opp dei vedtekne økonomiske rammene til avdelinga
• Planleggja og gjennomføre fagleg utviklingsarbeid saman med dei tilsette
• Systematisk følgje opp avvik og sikre implementering av forbetringsarbeid blant dei tilsette
• Sikre godt samarbeid med pårørande

Vidare vil du arbeida systematisk med lokale arbeidsmiljøgrupper for å sikra eit godt partssamarbeid mellom leiar, vernetenesta og tillitsvalde, godt arbeidsmiljø og gode tenester. Me vil følgja opp verksemdsplanar og delta aktivt i utvikingsprosessar.

Kvalifikasjonskrav 

• Offentleg godkjent sjukepleiar
• Gode norskkunnskapar, skriftleg og munnleg. Dersom du er utdanna utanfor Norden treng du godkjend B2 - test
• Erfaring som leiar frå liknande avdeling

• Erfaring frå arbeid i kommunehelsetenesta

   

Kven er du?

Me søkjer ein engasjerte og omsorgsfull leiar som brenn for trygg og god eldreomsorg. Du er ein inspirerande rollemodell som motiverer teamet ditt og fremjer dialog og samarbeid. Du har gode kommunikasjons og samarbeidsevner, og er ein trygge relasjonsbyggar. Som person er du løysingsorientert og du trivst i ein travel og tidvis uføreseieleg arbeidskvardag. 

Du er ansvarsmedviten, stødig og lojal, med eit heilskapleg perspektiv på avdelinga og verksemda. Du deler og formidlar kunnskap på ein trygg og god måte, og har evna til å arbeida både sjølvstendig og i team. Ditt faglege engasjement og målretta arbeidsmetode bidreg til eit inkluderande, positivt  og raust arbeidsmiljø.

Me tilbyr

• Ein spennande jobb 
• Ei leiargruppe som samarbeider, støtter og utfordrer kvarandre. 
• Løn etter avtale
• God pensjonsordning i KLP
• Tilsetjing i samsvar med gjeldande lov- og avtaleverk

Me er ein organisasjon i læring! 

Som ein del av arbeidet vert det forventa at du bidrar til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetoder og aktivt tek ansvar for læring, samt fagleg og personleg utvikling.  

Me er Alver

Me får vere der frå aller fyrste stund, og vi får følgje deg gjennom livet!

. Video: https://www.youtube.com/watch?v=_xHE9zF24G4&ab_channel=Alverkommune

Politiattest 

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede.