Avdelingsleiar på Skottabakken Bufellesskap

Om stillinga

Me har ledig 100 % stilling som avdelingsleiar ved Skottabakken bufellesskap og søkjer ein tydeleg og strukturert  medarbeidar, som er nytenkjande og løysingsorientert. Arbeid på dagtid, 37,5 t/veka.

Skottabakken bufellesskap ligg sentralt i Samnanger, 40 min. køyring frå Bergen sentrum.  

Skottabakken bufellesskap har 11 bebuarar og tilbyr omsorg og støtte både til bebuarar i bufellesskapet, heimebuande og andre tiltak. Skottabakken er tilrettelagt for bebuargruppa, noko som blir gjenspegla i utforminga av bygning og uteområde. 

Som avdelingsleiar vil du ha ansvar for den daglege drifta, personal- og økonomiansvar, tett samarbeid med einingsleiar og du vil vere med å bidra til utvikling og kvalitet i tenesta.

Arbeidsoppgåver

• Personalansvar saman med einingsleiar – oppfølging, rettleiing og utvikling av medarbeidarar
• Turnusplanlegging og bemanningsoppfølging
• Økonomiansvar: budsjett, rapportering og kontroll
• Dagleg drift, inkludert HMS og kvalitetssikring
• Utarbeide og oppdatere rutinar og prosedyrar
• Rapportere til einingsleiar og bidra med styringsinformasjon
• Drive utviklings- og endringsarbeid etter føringar og behov
• Samarbeid med interne og eksterne aktørar
• Dialog og oppfølging av pårørande
• Bidra til eit inkluderande og fagleg sterkt arbeidsmiljø

Kvalifikasjonar

Krav

• Godkjent autorisasjon som sjukepleiar
• Leiarerfaring, gjerne frå bufellesskap eller liknande tenester
• Erfaring med personalleiing og turnusplanlegging
• Evne til å arbeide målretta, strukturert og sjølvstendig
• Gode samarbeidsevner og kommunikasjonsferdigheiter
• God norsk skriftleg og munnleg framstillingsevne

Ønskjer

• Erfaring med budsjett og økonomioppfølging
• Erfaring frå utviklings- og endringsarbeid i helse- og omsorgstenester
• Kjennskap til HMS og kvalitetssystem
• Evne til å motivere og utvikle medarbeidarar på ein inkluderande måte

Personlege eigenskapar

• Løysingsorientert og handlekraftig
• Strukturert og ansvarleg
• God samarbeidsevne og relasjonsbyggjar
• Fleksibel og tilpassingsdyktig, særleg i endringsprosessar
• Evne til å motivere og utvikle medarbeidarar
• Tydelig kommunikasjon, både med team, leiar og pårørande
• Engasjert i fagleg utvikling og kvalitetssikring

Me tilbyr

• Ei variert og utviklande leiarstilling
• Eit fagleg miljø med utfordrande oppgåver, gode moglegheiter for fagleg og personleg utvikling og høve til å vera med å forme ein kommune i positiv utvikling og vekst
• Engasjerte kollegaer og godt fagmiljø

 

• Lønn, offentleg pensjon og arbeidsvilkår etter gjeldande lov- og avtaleverk
• Gunstige pensjonsordningar, yrkesskade- og gruppelivsforsikring

Arbeidstilhøve

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hjå oss uansett alder, funksjonsevne, kjønn eller minoritetsbakgrunn. All utanlandsk utdanning må vera godkjent av Direktoratet for høyere utdanning og kompetanse, HR-dir. Me legg vekt på å leggja til rette arbeidsforholda dersom du har behov for det. 

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader.
Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort, og vil ha moglegheit til å trekkja søknaden. 

Som tilsett i Samnanger kommune vil du bli innmeldt i KLP si pensjonsordning. KLP tilbyr pensjon, bank og forsikringstenester og er Norges største pensjonsselskap. Ordninga dekker alderspensjonar, AFP, uførepensjon, etterlattepensjon, yrkesskade- og gruppelivsforsikring.

Søknadar må leverast innan fristen og må sendast inn via rekrutteringssystemet vårt JobbNorge.

Om oss

Skottabakken stod ny i 2020 og ligg i gangavstand til Bjørkheim senter.

Skottabakken består av 10 leilegheiter, samt ein avlastar leilegheit. Bufellesskapet har bebuarar med utviklingshemming, ulike funksjonsnedsettingar med behov for pleie og omsorg, og tilrettelagt bu- eller aktivitetstilbod.

På Skottabakken er det lagt stor vekt på at brukarane får eit godt butilbod, aktivitet og eit godt helsetilbod. Tilsette er genuint opptatt av å skapa tryggleik og trivsel og jobbar tett med  bebuarane si eiga meistring. Stabil faggruppe med høg kompetanse.