Kontrollingeniør

Om stillinga

Førdepakken skal bygge nye vegar, bruer, fortau og sykkelvegar, til saman 20 deltiltak. Saman skal dette danne grunnlag for god byutvikling, der å gå og sykle vil være ein føretrekt måte å komme seg fram i byen. Fleire gater og betre vegar vil også gje betre flyt i trafikken i Førde sentrum.

Målet er at Førdepakken skal løyse utfordringar både for biltrafikken, dei mjuke trafikantane og bygge eit Førde for framtida.  Du kan lese meir om Førdepakken på vår heimeside:  https://www.fordepakken.no/

Prosjektet søkjer no etter kontrollingeniør for vegarbeid / VA / betong og geomatikk for tiltak 8, 15, 18 og 19 som er planlagt ferdig bygde i 2030. 

Kontrollingeniøren vil ha arbeidsstad Førde inn til Statens vegvesen er ferdig med sine oppgåver tilknyttet Førdepakken. Det er i utgangspunktet lagt opp til vanleg arbeidstid 8 -15:30, men ein må også pårekna å følgje entreprenøren sine arbeidstidsordningar.

Arbeidsoppgåver

Som kontrollingeniør har du ansvar for oppfølging av entreprise og kontrakt, og følge opp krav til dokumentasjon og informasjon. 

Videre vil sentrale oppgåver være: 

• følgje opp entreprenøren sitt arbeid, i høve framdrift og krav i kontraktar
• kontrollere entreprenøren sin dokumentasjon, medrekna kontroll og godkjenning av målebrev
• utarbeiding og oppfølging av Statens vegvesen sine kontrollplanar
• skrive kontrollørmeldingar og støtte byggeleiar i laupande oppgåver
• delta på fagmøte og andre møte etter behov
• støtte byggeleiar i oppfølging av kontrakten
• utføre geomatikaroppgåver

Kvifor skal du velja oss?

Som tilsett i Statens vegvesen blir du ein del av eit solid og kunnskapsdelande fagmiljø. Hos oss får du mange moglegheiter gjennom å bli ein del av ei landsdekkjande, solid og viktig verksemd. Samtidig er det også opp til deg å bidra til rørsle og kontinuerlig utvikling – både for deg sjølv og for oss. 

Vi jobbar for alle – for deg og meg – og har ein reell påveknad på folks kvardag. Du får ansvarsfulle oppgåver og høve til fagleg og personleg utvikling. Vi tek godt imot deg i eit godt arbeidsmiljø over heile landet.

Vi tilbyr deg også desse goda:

• Fleksitid og avspasering – vi veit at balansen mellom arbeid og fritid er viktig, og vi tilbyr fleksible arbeidstider.
• God pensjonsordning og lån – trygg fremtid med gode pensjonsordningar og gunstige lån.
• Trening i arbeidstida – moglegheiter for trening i arbeidstida eller støtte til treningsaktivitetar.
• Fagleg påfyll – mange moglegheiter for kurs og vidareutdanning.
• Meir om gode som tilsett på våre nettsidar: Ansattgoder | Statens vegvesen

Lønna di blir avtalt i samsvar med lønnspolitikken vår.

Kvalifikasjonskrav

Du må ha 3 års relevant utdanning frå høgskule eller universitet, fortrinnsvis innan bygg- og anlegg, betong- eller vegtekniske fag. Omfattande og relevant erfaring innan de relevante fagområda kan kompensere for utdanningskravet. 

Du må også ha gode kunnskapar i bruk av IKT- verktøy, god skriftleg og munnleg framstillingsevne på norsk, samt førarkort klasse B.

Vi vektlegg kompetanse innan bygging av veg, betongfag og geomatikk, samt relevant erfaring frå tilsvarande prosjekt frå entreprenør- eller byggherresida, men nyutdanna kan også søke. 

Dersom du har teke heile eller delar av utdanninga di i utlandet, tilrår vi ei autorisert omsetjing av papira og godkjenningane dine frå HKDIR:  Godkjenning av utenlandsk utdanning – jobb i Norge | HK-dir

Vi vektlegg motivasjon og engasjement for stillinga og samfunnsoppdraget vårt.

• Sjølvstendig- og strukturert 
• Gode samarbeidsevner i et tverrfagleg fellesskap
• Gode kommunikasjonsevner
• Nøyaktig og kvalitetsbevisst
• God gjennomføringsevne

Som tilsett i Statens vegvesen er det dessutan viktig at du er tryggingsmessig skikka og har god dømmekraft, pålitelegheit og lojalitet.

Om søknadsprosessen

Vi har gjort det enklare for deg! I staden for eit tradisjonelt søknadsbrev, ber vi deg svare på nokre relevante spørsmål. Hugs å fyll ut felta for "Utdannelse" og "Arbeidserfaring", og last opp vitnemåla dine og eventuelle attestar. Dette hjelper oss med å få eit godt bilete av bakgrunnen og kvalifikasjonane dine.

For å sikre at vi finn den beste kandidaten, kan vi bruke arbeidspsykologiske testar som ein del av rekrutteringsprosessen vår. Testane gir verdifull innsikt i eigenskapane og ferdigheitene dine, og bidreg til ei rettferdig og objektiv vurdering.

Som ein del av rekrutteringsprosessen gjennomfører vi bakgrunnssjekk i samarbeid med ein ekstern leverandør. Bakgrunnssjekk skjer alltid med samtykket på kandidaten, og tilsetjing føreset godkjend bakgrunnssjekk.

Vi i Statens vegvesen verdset mangfald og ønskjer å skape ein inkluderande arbeidsplass. Vi oppmodar alle kvalifiserte kandidatar til å søkje. Om du har ei funksjonsnedsetjing, hol i CV-en eller innvandrarbakgrunn, vil du få moglegheit for positiv særbehandling. 

Dersom du ønskjer å reservere deg frå oppføring på offentleg søkjarliste, må du grunngi dette. Vi tek kontakt med deg dersom vi ikkje kan komme ønsket ditt i møte.