Fagbioingeniør i vikariat ved Hormonlaboratoriet

Avdeling for medisinsk biokjemi og farmakologi (MBF) er ein av i alt åtte einingar som er organisert under Laboratorieklinikken i Helse Bergen, og har om lag 370 tilsette. Avdelinga har 12 analytiske og 4 ikkje-analytiske seksjonar, tre legegrupper (medisinsk biokjemi, Hormonlaboratoriet og klinisk farmakologi).

Vi utfører ei rekkje analysar innan fagområda medisinsk biokjemi og klinisk farmakologi, og har moderne analyseinstrument. I tillegg til ei omfattande rutinedrift som inneber døgnkontinuerleg vaktordning blir det drive forsking og utviklingsarbeid. Laboratoriet er akkreditert etter ISO standard 15189.

Hormonlaboratoriet er eit spesiallaboratorium for hormonanalysar og er ein av dei 12 analytiske seksjonane i MBF. Det blir utført om lag 200.000 hormonanalysar i året og legegruppa til Hormonlaboratoriet har i tillegg det medisinsk faglege ansvaret for om lag 500.000 hormonprøvar analysert ved andre seksjonar i MBF. På Hormonlaboratoriet er vi nesten 30 medarbeidarar fordelt på bioingeniørar, metodeutviklarar, kjemiingeniør og legar. Vi har både automatiserte immunologiske metodar, manuelle benkemetodar og LC-MS/MS-metodar.

Fra 23.02.26 - 28.08.26 er det ledig 100% vikariat som fagbioingeniør på seksjonen. Tidlegere oppstart i stillingsprosent på inntil 50% kan vurderast.

Kandidatar kan bli innkalt til intervju undervegs i prosessen.

Arbeidsoppgåver

• Delta i den daglege rutinedrifta ved seksjonen. Dette gjeld óg blodprøvetaking
• Metodeansvarleg for steroidhormon i serum, spytt og urin
• Ansvar for rutinemessig vedlikehald av LC-MS/MS-instrument
• Ansvar for produksjon og innkjøring av interne kalibratorar, kvalitetskontrollar, interne standardar (IS) og system suitability test-prøvar (SST)
• Bidra ved feilsøking og problemløysing relatert til metodar som ligg innanfor ansvarsområdet til fagstillinga
• Dokumentasjon av metodar og utforming av prosedyrar
• Bidra til gjennomføring av forskingsprosjekt som nyttar aktuelle metodar
• Utføre kvalitetsarbeid og bidra til utvikling av kvalitetsarbeid ved seksjonen
• Må halde seg fagleg oppdatert innan sitt fagspesifikke område
• Andre oppgåver kan tilkome

Kvalifikasjonar

• Norsk autorisasjon som bioingeniør med minimum 2 års erfaring frå tilsvarande laboratorium
• Det blir lagt vekt på erfaring med metodar som ligg innanfor ansvarsområdet for fagstillinga
• Må meistre norsk munnleg og skriftleg på eit nivå som gjer deg i stand til å utføre aktuelle arbeidsoppgåver og kommunisere med kollegaer i arbeidssituasjonen

Personlege eigenskapar

• Løysingsorientert, nøyaktig og strukturert
• Fleksibel og endringsvillig
• Ansvarsbevisst og samarbeidsvillig
• Kan jobbe på sjølvstendig grunnlag og effektivt organisere eigen arbeidsdag
• Kan arbeide systematisk i stressande situasjonar
• Interesse for utvikling og kvalitet
• Engasjement for fagfeltet og ønsker å vidareutvikle kompetansen din
• Personleg egnethet vektlegges

Vi tilbyr

• Lønn i samsvar med gjeldande overeinskomst
• Spennande arbeidsoppgåver i eit triveleg arbeidsmiljø med kompetente og stolte medarbeidarar
• Fagleg og personleg utvikling
• Dagstilling

 

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Charlotte E. Brunstøl, Seksjonsleiar, 55974381, charlotte.elisabeth.brunstol@helse-bergen.no
Ingunn Børø, Sjefbioingeniør, 99235074, ingunn.boro@helse-bergen.no

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5024372875
Stillingsprosent: 100%
Vikariat
Søknadsfrist: 28.10.2025