Vil du bli vår rådgjevar innan landbruk og mat?

Vi treng ein drivande rådgjevar i det viktige arbeidet med å fremje utvikling av landbruk og mat i Vestland. For den rette kandidaten kan vi tilby spanande oppgåver med å styrke innsatsen vår innan lokalprodusert mat og drikke.

Stillinga er i seksjon for naturressursar, landbruk og reiseliv. Dette er ein av fire fagseksjonar i vår avdeling for næring, plan og innovasjon. I vår seksjon er vi omlag 24 personar. Vi arbeider med oppgåver knytt til landbruk, reiseliv, utvikling av lokalsamfunn, havbruk og fiskeri, vassforvaltning, vilt og mineral. Gjennom arbeidet legg vi til rette for å forvalte naturressursane på ein god måte og utvikle samfunna våre.

Vi kan tilby gjevande oppgåver der du arbeider saman med gode kollegaer både i fylkeskommunen og blant samarbeidspartnarane våre. Du vil ha din arbeidsplass i  fylkeshuset på Leikanger i Sogndal kommune.

Arbeidsoppgåver

Dei viktigaste arbeidsoppgåvene vil vere:

• Faglege gjeremål for å samle til felles innsats for landbruk og matproduksjon i Vestland.
• Arbeide med ulike prosjekt som fylkeskommunen leiar eller deltek i.
• Planlegge, arrangere og delta på samlingar og nettverk.
• Oppgåver innan kunnskapsutvikling og kompetanseheving.
• Støtte kommunar og andre aktørar som arbeider med næringsutvikling knytt til landbruket.
• Arbeide med tiltak i samsvar med årsplanen i temaplan for landbruk.
• Skrive saker som skal til politiske utval.
• Sakshandsaming og rådgjeving innan ansvarsområdet.
• Andre oppgåver knytt til landbruk og næringsutvikling kan bli lagt til stillinga.

For den rette kandidaten kan det også vente spanande oppgåver innan ein styrka innsats på lokalprodusert mat og drikke:

• Arbeid med å styrke verdiskaping knytt til lokalmat og drikke i heile fylket.
• Kompetanse, rekruttering og omdømebygging innan området.
• Utvikle og implementere strategiar og tiltak for å fremje mat og mattradisjonar frå fylket.
• Bygge nettverk og legge til rette for eit godt samarbeid med næringsaktørar, organisasjonar og utdanningsinstitusjonar.
• Delta i innsats der vi ser landbruk, reiseliv, mat og kultur i samheng
• Legge til rette for kompetanseutvikling generelt og følgje opp Kompetansenettverket for lokalmat.
• Bidra til arbeidet med å rekruttere til restaurant- og matfag.

Du vil samarbeide tett med kollegaer innan ulike fagområde i fylkeskommunen, og du vil ha god samhandling med samarbeidspartnarane våre. Innovasjon Norge, faglaga i landbruket, Statsforvaltaren si landbruksavdeling og kommunane er viktige samarbeidsaktørar. Temaplan landbruk er utarbeidd i samarbeid med desse aktørane, og set mål for arbeidet. Fylkeskommunen samlar denne partnerskapen til felles innsats for å utvikle landbruket i Vestland.

Kvalifikasjonar

Du som vert tilsett må ha:

• Relevant høgare utdanning, helst på masternivå. Søkjarar utdanning på bachelornivå og med lang og relevant erfaring kan også vere aktuelle for stillinga.  Du vert då formelt tilsett som seniorkonsulent.
• Innsikt i problemstillingar kring næringsutvikling, med vekt  på landbruk og mat.

Det er ein fordel om du har:

• Erfaring med å legge til rette for næringsverksemd og utvikling innan landbruk og mat.
• Kjennskap til offentleg verksemd.

Personlege eigenskapar

Vi ser etter deg som:

• har gode samarbeidsevner og positiv innstilling.
• har evne til å ta initiativ og ansvar.
• kan arbeide strukturert og sjølvstendig.
• er utviklingsretta og løysingsorientert.
• har gode formidlingsevner, både munnleg og skriftleg.

Vi tilbyr

• Faglege og personlege utfordringar i eit godt og inspirerande arbeidsmiljø.
• Gode offentlege pensjons- og forsikringsordningar.
• Løn etter avtale.
• Fleksibel arbeidstid.

Kontaktinformasjon

Endre Høgalmen, Seksjonsleiar naturressursar, landbruk og reiseliv, 95207789, endre.hogalmen@vlfk.no
Kjersti Sognnes, Fagkoordinator, 95758720, kjersti.sognnes@vlfk.no

Arbeidsstad

Askedalen 2
6863 Leikanger

Nøkkelinformasjon:

Arbeidsgivar: Vestland fylkeskommune

Referansenr.: 4989215994
Stillingsprosent: 100%
Fast
Søknadsfrist: 20.08.2025