100% stilling som leiar ved Renovasjonen

Leiar ved Renovasjonen

Tenesteområde:

Ullensvang kommune har dyktige fagfolk og avdelingsleiar på renovasjonen.

Verksemdsleiar har det faglege, økonomiske og administrative ansvaret for verksemda.

Oppgåvene og ansvaret dekkjer felta innanfor hushaldningsrenovasjon, næringsrenovasjon

og drift av miljøanlegg.

Leiaroppgåver:

Fagleg og administrativ leiing av verksemda. Bidra til å skapa positiv utvikling av

medarbeidarar og den samla kompetansen.

Arbeidsoppgåver:

• Ansvar for strategisk utvikling og planlegging av verksemda med fag og personalleiing
• Ansvar for å sikra optimal drift og resultatoppnåing
• Bistå prosjektavdelinga i relevante investeringsprosjekt
• Ansvar for HMS-arbeid
• Syta for god samhandling både internt og eksternt
• Ansvar for personal, budsjett og økonomioppfylging
• Del av leiarteamet i sektoren, teknikk og miljø
• Følgje opp lover og forskrifter
• Delta i plan og utviklingsarbeid, inkludert digitale løysingar
• Ansvar for å rekruttera relevant kompetanse til avdelinga
• Arbeide for å opprettholde eit godt arbeidsmiljø
• Andre oppgåver kan tildelast ved behov

Kvalifikasjonar for stillinga :

Utfordringane i stillinga krev leiarrøynsle frå offentleg sektor, eller frå større tekniske

miljø i næringslivet. Du må ha høgare utdanning, helst erfaring innanfor fagområdet som du skal leia. Du må meistre norsk språk godt, både skiftleg og muntleg.

I tillegg er det ønskjeleg med:

• Kunnskap og erfaring frå drift- og vedlikehald med renovasjon
• Erfaring frå utviklingsarbeid
• Erfaring med HMS-arbeid
• God kunnskap om økonomioppfølging
• God teknisk forståing
• Førarkort klasse B
• Gode digitale ferdigheiter og evne til å ta i bruk nye løysingar

Personlige eigenskaper:

Vi søker etter ein tydeleg, inkluderande, strukturert, fleksibel og løysingsorientert person som skal vera ein pådrivar i utviklinga av renovasjonen, tekniske tenester og Ullensvang kommune. Det vil bli lagt vekt på personlege eigenskaper som evne til samarbeid og relasjonsbygging, heilhetsforståing, lojalitet og kreativitet. Vi søker etter ein person som har evne til å motivere og utvikle sine medarbeidere. Personen må vera serviceinnstilt og ha engasjement for miljø og berekraft.

Ullensvang kommune kan tilby:

• Spennande og utfordrande arbeidsoppgåver.
• Dyktige kollegaer.
• Konkurransedyktige vilkår.

Me tilbyr:

• Varierte og spanande arbeidsoppgåver
• Dyktige kollegaer
• Høve til personleg utvikling og kompetanseheving med støtte frå kommunen
• Ullensvang kommune har inkluderande arbeidsliv (IA), fleksibel arbeidstid og gode permisjons- og pensjonsvilkår
• Rekrutteringsleiligheter
• Muligheter for heimekontor
• Løn etter avtale

Ved tilsetjing vert personlege eigenskapar vektlagt.

Ønskjer ikkje kontakt med telefonselgarar.

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:
Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/