Jordmor - 60% vikariat

Jordmorsamarbeidet i Vest-Telemark har no ledig eit vikariat i 60 % på Vinje helsestasjon, med oppstart snarast.

Som jordmor i Vest-Telemark får du arbeide sjølvstendig i eit jordmorstyrt fellesskap med stor variasjon og nærleik til kvinnene. Stillinga er på dagtid, og det er høve for tilpassing etter behov og avtale. 

Jordmorsamarbeidet i Vest-Telemark er organisert etter vertskommunemodellen, der Vinje kommune er vertskommune og arbeidsgjevar. Saman dekkjer me kommunal oppfylging i svangerskap og barseltid, og døgnkontinuerleg beredskap- og fylgjeteneste ved jordmorvakta i Seljord. Kommunane Vinje, Seljord, Kviteseid og Fyresdal deltek i jordmorsamarbeidet. Å arbeide som jordmor i Vest-Telemark krev at du trivst med å arbeide sjølvstendig, og i eit distrikt med store avstandar - men også nærleik til natur og eit godt fagmiljø. 

Arbeidsoppgåver

• Gjennomføre svangerskapskonsultasjonar i tråd med nasjonale retningsliner, inkludert samtaler, undersøkingar og vurderingar
• Førebuande kurs og individuelle samtaler om amming, fødsel og barseltid
• Utføre heimebesøk og etterkontrollar med fokus på både mor og barn si helse og trivsel
• Dokumentere i elektronisk pasientjournal og samarbeide tett med helsesjukepleiarar, fastlegar og andre relevante fagpersonar
• Delta i fagmøte og bidra til kontinuerleg fagutvikling i jordmorsamarbeidet

Kvalifikasjonar

• Autorisert jordmor
• Det er ynskjeleg at du har arbeidserfaring frå fødsels-, svangerskaps- og barselomsorg
• Det er ein fordel om du har kompetanse innan kvinnehelse
• Førarkort klasse B og tilgang til eigen bil
  

Personlege eigenskapar

• Du har eit sterkt engasjement for å gje gravide, barselkvinner og deira familiar tryggleik og støtte gjennom heile forløpet
• Du held deg fagleg oppdatert, og nyttar kunnskap aktivt i di yrkesutøving
• Du bidreg i tverrfagleg samarbeid med relevante samarbeidspartnarar
• Du bidreg til eit positivt og støttande arbeidsmiljø, og delar kunnskap og erfaring med kollegaer
• Du har evne til å tilpasse deg ulike situasjonar og er løysingsorientert 
• Du tek ansvar for eigne oppgåver, planlegg arbeidet godt og har evne til prioritere 
  

Me tilbyr

• Du blir ein del av eit fagleg sterkt jordmorsamarbeid med faste fagmøte
• Du får relevant opplæring ved oppstart, og fagleg støtte undervegs
• Løn i 100 % stilling: 825 000 kr
• God forsikrings- og pensjonsordning

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Helene Mølster Byggland, Avdelingsleiar jordmorstenesta, 40907794, helene.molster@vinje.kommune.no

Arbeidsstad

Vinjevegen 212
3890 Vinje

Nøkkelinformasjon:

Arbeidsgivar: Vinje kommune

Referansenr.: 5022295183
Stillingsprosent: 60%
Vikar
Startdato: 01.10.2025
Sluttdato: 01.09.2026
Søknadsfrist: 16.10.2025