Terna bustad

Om avdelinga:

Terna bustad ligg på Rong og yter tenester til 2 vaksne personar med psykisk utviklingshemming og samansette bistandsbehov. Målet vårt er å legge til rette for ein aktiv, meiningsfull og trygg kvardag, der sjølvråderett, meistring, trivsel og tillitsskapande arbeid står sentralt.

Vi er ei tverrfagleg personalgruppe beståande av vernepleiarar, sjukepleiarar, andre høgskuleutdanna, helsefagarbeidarar og assistentar som arbeider tett saman for å sikre gode og individuelt tilpassa tenester. Vi er opptekne av å vere ein raus, inkluderande og støttande arbeidsplass, der medarbeidarane arbeider tett saman mot felles mål for å skape trygge og gode tenester.

Stillinga har ei gjennomsnittleg arbeidstid på 35,5 timar per veke over ei periode på 52 veker. Tenestene er utforma med utgangspunkt i brukarane sine behov for kontinuitet, tryggleik og føreseielegheit. For tida er arbeidet organisert i langvaktsturnus, der medarbeidarane arbeider tett saman i team rundt brukaren. Turnusen inneber samanhengande arbeidsperiodar på 3 lange vakter på arbeidsstaden, etterfølgt av friperiodar.

Arbeidstidsordninga er etablert for å ivareta brukarane sine behov og kan bli endra dersom behova i tenesta eller andre rammevilkår tilseier det. Turnusen legg til rette for stabile relasjonar, tett oppfølging og god kontinuitet i tenestene.

Arbeidsoppgåver:

• Gje individuell oppfølging og bistand til brukarane i tråd med vedtak, målsetjingar og behov.
• Utføre målretta miljøarbeid og arbeide for auka meistring, sjølvstende og livskvalitet.
• Medikamenthandtering i samsvar med gjeldande rutiner.
• Dokumentasjon og evaluering i elektronisk fagjournal.
• Arbeide i tråd med gjeldande lovverk, herunder helse- og omsorgstenestelova kapittel 9 og anna relevant regelverk.
• Samarbeide tett med kollegaer, pårørande og andre samarbeidspartnarar.
• Bidra til fagutvikling, kvalitet i tenestene og eit godt arbeidsmiljø.

 Kvalifikasjonar:

 Må ha:

• Bachelor i vernepleie, sjukepleie eller sosialt arbeid.
• Andre med relevant høgare utdanning innan miljøterapi kan bli vurderte.
• Gode norskkunnskapar, både munnleg og skriftleg.
• Erfaring med utfordrande åtferd.

 Personlege eigenskapar:

• Du er fysisk og psykisk robust
• Du har gode samarbeidsevner og trivst med å arbeide tett saman med andre.
• Du er raus, inkluderande og støttande i møte med kollegaer, brukar og pårørande.
• Du bidreg til eit positivt arbeidsmiljø og tek medansvar for fellesskapet.
• Du er trygg, fleksibel og løysingsorientert.
• Du bidreg aktivt til utvikling av tenestene og arbeider i tråd med vedtekne mål, faglege føringar og organisatorisk retning.

 Personlege eigenskapar og evne til samarbeid vil bli tillagt stor vekt.

 Ønskjelege kvalifikasjonar:

• Erfaring frå arbeid med personar med psykisk utviklingshemming og/eller samansette bistandsbehov.
• Erfaring med målretta miljøarbeid og arbeid med utfordrande åtferd.
• Kunnskap om og erfaring med elektroniske journalsystem.
• Kunnskap om helse- og omsorgstenestelova kapittel 9 er ein fordel.
• Førarkort klasse B.

Anna:

• Sjukepleiarar og spesialsjukepleiarar i fast turnus er løna kr 35.000,- pr. år over gjeldande tariff.
• Vernepleiarar og spesialvernepleiarar i fast turnus er løna kr 25.000,- pr. år over gjeldande tariff.

Vi tilbyr:

• Gode pensjons- og forsikringsordningar
• Ein spennande arbeidsplass med godt arbeidsmiljø
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling.
• Moglegheit til å søke startlån. Sjå kommunen si heimeside for meir informasjon: Startlån for å rekruttere og behalde helsepersonell - Øygarden kommune

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.