Lærar innan byggfag

Skulen ligg i bysenteret Odda i Ullensvang kommune. Området er kjent for dramatisk landskap med fjord, fjell, brear og fossar. Dette gjev svært gode føresetnader for ulike aktivitetar, men er òg grunnlaget for verdsleiande industri. Hardanger og fruktdyrking er eit kjent omgrep, og aktivitetsturisme er blitt eit stort satsingsområde. Gjennom året vert det arrangert større og mindre kulturarrangement i kommunen, t.d. Hardanger musikkfest, Litteratursymposiet, Blueshelga, Sus & Dus, Morellfestivalen og Siderfestivalen.

Odda vidaregåande skule er ein skule med omlag 275 elevar og 55 tilsette, som er fordelt på studieførebuande program og yrkesfagleg program. Vi har eigen avdeling for tilrettelagt opplæring, samt landsline i smedfaget. 

Arbeidsoppgåver

Trivst du med å arbeide med ungdom og har utdanning og praksis frå byggebransjen? Skulen har ledig 50% fast undervisningsstilling i bygg- og anleggsteknikk, med gode muligheter for 100% frå skuleåret 2026-27. Har du undervisningskompetanse i andre fag, er det mogleg at stillinga vert utvida til 100% fra starten.

Undervisning på programområdet Bygg- og anleggsteknikk, vg1 og vg2.
Planlegge og gjennomføre opplæring i tråd med læreplanmåla.
Delta i lærarteam og pedagogisk utviklingsarbeid.
Tilretteleggje og samarbeide om eit godt og effektivt læringsmiljø.
Samarbeid med kollegaer og føresette.
Samarbeid med opplæringskontor og verksemder.

Kvalifikasjonar

Fagbrev, eller anna relevant utdanning og erfaring innan byggfag.
Godkjent pedagogisk utdanning.
Gode ferdigheiter i bruk av digitale verktøy
Gode ferdigheiter i norsk munnleg og skriftleg.

Søkjarar utan pedagogisk utdanning kan tilsetjast på vilkår.

Personlege eigenskapar

Engasjert i faget og i utdanning av nye fagarbeidare.
Likar å undervisa praktisk og relevant for faga.
Tydeleg klasseleiar, med evne til å skapa gode elevrelasjonar og godt klassemiljø.
Du likar å arbeide med ungdom og er ein god rollemodell.
Du har ei positiv innstilling og skaper gode relasjonar.
Du ser behova til den enkelte elev.
Du er ein god lagspelar, er god til å samarbeide og deler av kunnskapen din.
Du arbeider strukturert og systematisk.

Vi tilbyr

Eit spanande, godt fagleg og sosialt arbeidsmiljø, gode arbeidstilhøve og variert tverrfagleg samarbeid.
Nært samarbeid med kollegaer. 
Løn etter gjeldande offentleg regulativ.
Gode pensjons- og forsikringsordningar.

Alle nytilsetjingar vert gjort med ei prøvetid på 6 månader.
Den som skal tilsetjast i vidaregåande skule må leggje fram godkjent politiattest.
Administrasjonsmålet i fylkeskommunen er nynorsk.    
Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort

Kontaktinformasjon

Geir Veland, rektor                        , 97143273

Arbeidsstad

 

Nøkkelinformasjon:

Arbeidsgivar: Vestland fylkeskommune

Referansenr.: 5006726242
Stillingsprosent: 50%
Fast
Søknadsfrist: 21.09.2025