Hopp til innhold

Vil du vera med på tidleg innsats?

Arbeidsgiver

Vindafjord kommune Heimetenesta

Sted

Rådhusplassen 1, 5580 Ølen

Om jobben

Stillingstittel
Stilling i hukommelsesteam
Type ansettelse
Fast, deltid 40%
Antall stillinger
1
Arbeidsspråk
Norsk

Søk på jobben

Søk senest søndag 6. desember

Vil du bidra til ein tryggare kvardag for personar med demens gjennom støtte og rettleiing til brukaren og deira pårørande?

Vindafjord kommune søkjer ein engasjert medarbeidar til hukommelsesteamet i 40% stilling! 

Hukommelsesteamet arbeidar for å gi personar med kognitiv svikt og demens, samt deira pårørande, støtte og oppfølging. Teamet bidreg til tidleg kartlegging, rettleiing og tiltak som kan fremja tryggleik og meistring i kvardagen. 

Me er og eit lågterskeltilbod i kommunen. 

Dette er ei stilling for deg som ynskjer å gjera ein forskjell gjennom tett samarbeid med innbyggjarar, pårørande og andre tenester.

Hukommelsesteamet har i dag to medarbeidarar i 20% stilling. Med den nye medarbeidaren vil teamet arbeida over to dagar i veka. Medarbeidaren i 40% stilling vil arbeida begge dagane.

Stillinga kan passa for deg som ynskjer ei meiningsfull oppgåve ved sida av anna arbeid. Du som ynskjer å gjera ein skilnad for dei som har ein kognitiv svikt - gi meistring og moglegheit til å leva eit heilt liv med dei utfordringane kognitiv svikt har. Samstundes gi moglegheita for å kunne bu heime med sine, oppleva livskvalitet gjennom at de som hukommelsesteam er der og gir støtte, rettleiing og set tiltak saman med andre tenester når det er behov!  

Arbeidsoppgåver

Du vil mellom anna:

  • Planleggja og gjennomføra samtalar og heimebesøk med pasienten og deira pårørande.
  • Kartlegging ved kognitiv svikt der det er mistanke om demens og/eller ved diagnose i samråd med lege.
  • Følgja opp og rettleia brukarar og pårørande over tid.
  • Samarbeida med fastlege, spesialisthelsetenesta, heimetenesta, dagsenter og andre aktuelle tenester.
  • Foreslå og følgja opp tiltak saman med brukaren og dei rundt.
  • Utforska og gi råd om korleis velferdsteknologi kan bidra til tryggleik og til at fleire kan bu lenger heime.
  • Delta i faglege nettverk.
  • Halda pårørandeskule som er interkommunalt samarbeid med Etne kommune.
  • Samarbeida med Demensforeininga om eit demensvennleg samfunn i Vindafjord kommune.
  • Vera ein fagleg ressurs og rettleiar for tilsette i helse- og omsorgstenesta.
  • Bidra til førebygging, tidleg identifisering og god oppfølging av personar med demens.
Kvalifikasjonar
  • Du har autorisasjon innan helsefagleg utdanning som helsefagarbeidar, vernepleiar eller sjukepleiar.
  • Vidareutdanning innan demensomsorg er ynskjeleg, relevant erfaring frå arbeid med personar med demens er ein fordel.
  • God kunnskap om demenssjukdommar, kartlegging, observasjonar og oppfølging.
  • Gode digitale ferdigheter.
  • Førerkort klasse B.
  • Du må meistra norsk godt, både skriftleg og munnleg. Skriftspråket i kommunen er nynorsk.
Personlege eigenskapar

Me søkjer deg som:

  • Bidrar til tryggleik, tillit og gode relasjonar - både til personar med demens, pårørande og kollegaer.
  • Har eit fagleg engasjement for personar med demens og deira pårørande. 
  • Empatisk, tolmodig og trygg i møte med menneske i sårbare livssituasjonar. 
  • God på relasjonsbygging og evnar å skape tillit.
  • Er sjølvstendig, inititativrik og tek ansvar.
  • Fagleg engasjert, reflektert og opptatt av utvikling.
  • Fleksibel, løysningsorientert og trivst med ein variert arbeidskvardag.
  • Har gode samarbeidsevner og bidreg aktivt til eit positivt fagmiljø. 
  • Evne og vilje til å rettleie, inspirere og bidra til kompetanseheving hos kollegaer. 

Personlege eigenskapar vil bli vektlagt.

Me tilbyr
  • Meiningsfulle arbeidsoppgåver og faglege utfordringar.
  • Engasjerte kollegaer som ynskjer at du skal trivast og lykkast.
  • Opplæring og støtte i den nye rolla.
  • Moglegheiter for etter- og vidareutdanning i samsvar med kompetanseplanen vår.
  • Moglegheit til å delta i bedriftskunstlaget og kommunekoret KORe’ Vindafjord.
  • Offentleg tenestepensjon og forsikringsordningar.
  • Lønn etter gjeldande tariff og avtaleverk.
Andre opplysningar
  • Det er eit krav om godkjent politiattest for den som tilsettes i stillinga.
  • Det er eit krav om at ein fyller ut egenerklæringsskjema for tuberkulinstatus før tiltredelse. 
Slik søker du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.


Link til søknadsskjema: Søk her

Kontaktperson for stillingen

Annelin Bauge

Konstituert einingsleiar

+47 97657778

annelin.bauge@vindafjord.kommune.no

Om bedriften

Vindafjord kommune ligg sentralt på Indre Haugalandet og grensar til Tysvær, Etne, Sveio, Suldal og Sauda. Med sine ni bygder og over 9000 innbyggjarar, er kommunen ein levande og mangfaldig stad. Kommunesenteret Ølen ligg om lag fem mil frå Haugesund. Vindafjord er ein stor landbrukskommune med eit dynamisk og variert næringsliv. Kommunen har høge ambisjonar om å vera eit naturleg sentrum for Indre Haugalandet. Med si strategiske plassering og ei lang kystlinje mot både Sunnhordlands- og Ryfylkebassenget, byr Vindafjord på mange moglegheiter for friluftsliv. Frå turstiar i skog og fjell til aktivitetar langs kysten – her finn ein noko for alle. Som innbyggar i Vindafjord kommune får du fleire fordelar som gjer kvardagen litt enklare. Til dømes kan du få sletta inntil 25.000 kroner av studielånet ditt kvart år, heilt fram til lånet er nedbetalt. Me tilbyr òg rimelege barnehageplassar, sånn at både småbarnsfamiliar og nyetablerte kan trivast og kjenna seg trygge her hos oss.

Sektor

Offentlig

Del annonsen

Annonsedata

Rapporter annonse
Stillingsnummer

d735b168-3700-4f36-a7e2-0f4c610b53b3

Sist endret

19. november 2026

Hentet fra

visma-easycruit

Referanse

3674439_229841_nn

Lignende annonser

Laster lignende annonser