Byggeleder vegutbedringsprosjekt

Om stillinga

Vi ser etter en engasjert byggeleiar som vil bidra til å realisere varierte og spennande prosjekt i vårt område.

Som byggeleiar vil du få ei sentral rolle i ulike vegprosjekt gjennom planleggings-, prosjekterings- og byggefase. Prosjekta vil hovudsakleg vera langs E39, E134 og rv.13 i Nord-Rogaland. Du vil som byggeleiar arbeida tett saman med interne i prosjekta og med ulike entreprenørar. Rolla medfører også behov for kontakt ut mot eksterne som har interesser i det arbeidet me gjer, som til dømes media og grunneigarar.

Stillinga er plassert i seksjon Plan og utbygging vest 2. Seksjonen har ansvar for å planlegga og gjennomføra vegprosjekt på riksvegnettet i vårt geografiske område.  Seksjonen har eit variert spenn i type prosjekt knyta til utbetring og nybygging på/ langs eksisterande riks- og europavegnett. 

Kontorstad for stillinga er Haugesund eller Stord.

Arbeidsoppgåver

Stillinga inneber eit breitt spekter av oppgåver knytt til både arbeid ute i felt og administrative oppgåver inne. Som byggeleiar skal du utarbeida konkurransegrunnlag og planar for nye prosjekt, samt følgja opp og ha dagleg dialog med entreprenør.

• planlegging og gjennomføring av byggemøter, og anna arbeid på anleggsplassen
• utarbeida kostnadsoverslag for prosjekt, både i plan- og byggefase
• rapportera og følgja opp økonomi, kvalitet og framdrift
• koordinering av HMS i utføringsfase, inkludert SHA og YM
• bidra med anleggskompetanse inn i prosjekt i plan- og prosjekteringsfase

Kvifor skal du velja oss?

Som tilsett i Statens vegvesen blir du ein del av eit solid og kunnskapsdelande fagmiljø. Hos oss får du mange moglegheiter gjennom å bli ein del av ei landsdekkjande, solid og viktig verksemd. Samtidig er det også opp til deg å bidra til rørsle og kontinuerlig utvikling – både for deg sjølv og for oss. 

Vi jobbar for alle – for deg og meg – og har ein reell påveknad på folks kvardag. Du får ansvarsfulle oppgåver og høve til fagleg og personleg utvikling. Vi tek godt imot deg i eit godt arbeidsmiljø over heile landet.

Vi tilbyr deg også desse goda:

• Fleksitid og avspasering – vi veit at balansen mellom arbeid og fritid er viktig, og vi tilbyr fleksible arbeidstider.
• God pensjonsordning og lån – trygg fremtid med gode pensjonsordningar og gunstige lån.
• Trening i arbeidstida – moglegheiter for trening i arbeidstida eller støtte til treningsaktivitetar.
• Fagleg påfyll – mange moglegheiter for kurs og vidareutdanning.

Lønna di blir avtalt i samsvar med lønnspolitikken vår.

Kvalifikasjonskrav

• minimum treårig relevant utdanning på universitets-/ høgskulenivå.Omfattande og relevant erfaring innanfor dei aktuelle fagområda kan kompensera for manglande formell utdanning.  
• førarkort klasse B. 
• god munnleg og skriftleg framstillingsevne på norsk
• god digital kompetanse

• kompetanse innanfor planlegging av veg- og trafikksikringstiltak
• kunnskap om modellbasert samhandlingsplattform
• brei og god erfaring med bygg- og anleggsarbeid, gjerne også konstruksjon 

Dersom du har teke heile eller delar av utdanninga di i utlandet, ber vi om ei autorisert omsetjing av papira og godkjenninga dine frå HKDIR (www.hkdir.no)

• du har interesse for - og engasjement innan - bygging og vedlikehald av veg
• du har interesse og engasjement for bruk av digitale arbeidsverktøy 
• du er sjølvstendig og har stor gjennomføringskraft
• du samarbeider godt med andre
• du tek initiativ og er løysingsorientert

Som tilsett i Statens vegvesen er det dessutan viktig at du er tryggingsmessig skikka og har god dømmekraft, pålitelegheit og lojalitet.

Om søknadsprosessen

Vi har gjort det enklare for deg! I staden for eit tradisjonelt søknadsbrev, ber vi deg svare på nokre relevante spørsmål. Hugs å fyll ut felta for "Utdannelse" og "Arbeidserfaring", og last opp vitnemåla dine og eventuelle attestar. Dette hjelper oss med å få eit godt bilete av bakgrunnen og kvalifikasjonane dine.

For å sikre at vi finn den beste kandidaten, kan vi bruke arbeidspsykologiske testar som ein del av rekrutteringsprosessen vår. Desse testane gir oss innsikt i eigenskapane og ferdigheitene dine, og hjelper oss med å gjere ei rettferdig og objektiv vurdering, slik at vi finn den best kvalifiserte kandidaten. Vi gjennomfører også bakgrunnssjekk for å verifisere informasjon som er viktig for rekrutteringsprosessen.

Vi i Statens vegvesen verdset mangfald og ønskjer å skape ein inkluderande arbeidsplass. Vi oppmodar alle kvalifiserte kandidatar til å søkje. Om du har ei funksjonsnedsetjing, hol i CV-en eller innvandrarbakgrunn, vil du få moglegheit for positiv særbehandling. 

Dersom du ønskjer å reservere deg frå oppføring på offentleg søkjarliste, må du grunngi dette. Vi tek kontakt med deg dersom vi ikkje kan komme ønsket ditt i møte.