Fakultetsdirektør ved Det juridiske fakultet

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

. Video: https://youtu.be/M5n6RnScNgA

Fakultetsdirektør ved Det juridiske fakultet

Vi har ledig stilling som fakultetsdirektør frå januar 2026, og søkjer ein strategisk og engasjert leiar som vil få ei nøkkelrolle i vidareutviklinga av fakultetet og bidra til å skape gode prosessar og ein inkluderande og framtidsretta organisasjon.

Fakultetsdirektøren er ein del av den strategiske leiinga ved fakultetet og samarbeider tett med dekanen, som er fakultetets øvste leiar. Direktøren rapporterer til universitetsdirektøren og deltek jamleg i møter saman med dei andre direktørane ved Universitetet i Bergen.

Som fakultetsdirektør vil du leie fakultetsadministrasjonen, som består av 32 medarbeidarar, og ha arbeidsgjevaransvar i tråd med gjeldande lov- og avtaleverk. Du vil ha ansvar for koordinering og oppfølging av fakultetets budsjett, forskings- og undervisningsaktivitetar, personalforvaltning og formidling. I samarbeid med dekanen vil du òg ha oppgåver med å førebu saker for fakultetsstyret og sikre at vedtak vert sette i verk.

Det juridiske fakultet er eitt av sju fakultet ved Universitetet i Bergen og tilbyr utdanning og driv forsking innan rettsvitskap. Fakultetet har om lag 2400 studentar, er arbeidsplass for rundt 200 vitskaplege og administrative tilsette og er eit av dei leiande juridiske utdanningstilboda i Noreg.

Vi ønskjer deg velkommen til å søkje ei spanande og samfunnsrelevant leiarstilling ved eit fakultet i sterk utvikling.

Kvalifikasjonar og eigenskapar:

• Høgare utdanning på minimum mastergradsnivå
• Relevant leiarerfaring 
• Kjennskap til universitets- og høgskulesystemet
• God skriftleg og munnleg framstillingsvene på norsk og engelsk
• God arbeidskapasitet og gjennomføringsevne
• Gode leiar- og samarbeidseigenskaper med vekt på kommunikasjon og resultatansvar
• Evne til å vere utviklingsorientert, ta initiativ og tenke strategisk 
• Personlege eigenskapar som er naudsynte for stillinga vil bli vektlagt

Vi tilbyr:

• Interessante og utviklande leiaroppgåver i eit inkluderande og spanande fagmiljø
• Løn som avdelingsdirektør etter kode 1060 i Statens lønsregulativ. Løn vert fastsett ved avtale. 
• Medlemskap i Statens pensjonskasse
• Gode velferdsordningar

Generell informasjon:

Utfyllande opplysningar om stillinga kan ein få ved å vende seg til: dekan ved Det juridiske fakultet Sigrid Eskeland Schütz, tlf.: 481 50 983, eller universitetsdirektør Tore Tungodden, tlf.: 975 57 140. 

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen arbeider målbevisst for økt likestilling og vektlegger kjønnsbalanse og mangfold i ledergruppene. Kunnskap om og resultater fra aktivt likestillings- og mangfoldsarbeid tillegges vekt ved rekruttering av ledere.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.