På avdelinga for infrastruktur og veg tek vi vare på fylkeskommunen sine forvaltningsoppgåver som
vegeigar. Vi har ein arbeidskvardag med mange spennande oppgåver innan planlegging, bygging, drift og
vedlikehald av fylkesvegar, gang- og sykkelvegar, tunnelar, bruer og kaiar. Målet vårt er å syte for best mogeleg
og trygg framkomst på fylkesvegane.
Innanfor avdeling for Vedlikehald, drift og beredskap ligg ansvaret for å drifte og vedlikehalde fylkesvegane.
Dette omfattar inspeksjon, planlegging av tiltak, fylgje opp entreprenørar på drift, elektro og
vedlikehaldstiltak og fylgje opp økonomi innan tildelte midlar. Avdelinga har eit beredskapsansvar der ein
vurderer og set i gang tiltak for å sikre trygge vegar ved uvær, skred eller flaum.
Vedlikehald Nord har ansvar for drift og vedlikehald av fylkesveg kaiar. Dømer på oppgåver er å fylgje opp drift, ta tak i akutte situasjonar, vedlikehalde, inspeksjon over og under vatn og andre tiltak kopla mot drift og vedlikehald.

Til seksjon Vedlikehald Nord er vi på jakt etter ein byggeleiar til drift og vedlikehald av kai. Arbeidsstad kan vera
Leikanger, Bergen eller Førde. Stillinga er fast.

Arbeidsoppgåver

• Utarbeide konkurransegrunnlag for kontrakt for drift og vedlikehald
• Lyse ut konkurranse og kontrahere
• fylgje opp og rapportere på økonomi, kvalitet, framdrift og HMS
• Koordinere arbeid med andre faggrupper og etatar
• ha kontakt med myndigheite, interessegrupper og media
• vera SHA-koordinator og YM-koordinator med mindre anna er bestemt av prosjektleiar
• fylgje opp konsulentar i prosjektering av vedlikehaldstiltak
• aktivt bidra til å planlegge tiltak på kai
• inspeksjon og tilstandsvurdering
• Handtere skadesaker

Kvalifikasjonar

• Relevant teknisk utdanning frå universitet eller høgskule, minimum 3 år. Dersom du har sterk og allsidig praksis og gode personlege føresetnader for stillinga, kan vi sjå bort frå utdanningskravet. Nyutdanna med bygg- /konstruksjonsutdanning vert oppfordra til å søke.
• Gode kunnskapar i bruk av IKT-verktøy
• Må vera fleksibel, sjølvstendig, ha gode samarbeidsevner, vera løysingsorientert og ha gode gjennomføringsevne
• Må ha førarkort klasse B

Vil du vite meir om stillinga er du velkomen til å ta kontakt med leiar for Vedlikehald Nord: Jorunn Hillestad Sekse, tlf.:97425209, eller du kan ta ein prat med byggeleiar: Marius Seim Brekke, tlf.: 47903375.

Personlege eigenskapar

• fleksibel, sjølvstendig og ha gode samarbeidsevner
• løysingsorientert og ha god gjennomføringsevne

Vi tilbyr

Hjå oss vil du få arbeide sjølvstendig i ei fagleg utfordrande og spennand stilling i eit tverrfagleg miljø. Vi kan tilby deg ein vareiert arbeidskvardag med meiningsfulle arbeidsoppgåver.

• ei fagleg utfordrande og spennande stilling med stor samfunnspåverknad
• eit strekt og inkluderande fagmiljø
• spennande oppgåver og gode vilkår for fagleg utvikling
• gode forsikrings- og pensjonsvilkår

Kontaktinformasjon

Jorunn Hillestad Sekse, leiar, 97425209

Arbeidsstad

Askedalen 2
6863 Leikanger

Nøkkelinformasjon:

Arbeidsgivar: Vestland fylkeskommune

Referansenr.: 4924794395
Stillingsprosent: 100%
Fast
Søknadsfrist: 20.03.2025