Ledig fastlegeheimel ved Radøy legesenter utan innkjøpskostnad

Om Radøy legesenter og fastlegelista

Radøy legesenter ligg på Manger i Alver kommune. Manger ligg nord på Radøy, om lag 20 minuttar med bil frå Knarvik som er administrasjonssenter i Alver kommune. Køyretid med bil frå Bergen er omlag 50 minuttar. Vi har gratis parkering ved kontoret. 

Vi søkjer no etter ein fastlege som kan ta over ansvaret for ei pasientliste med 900 pasientar. Dersom du ønskjer større pasientliste kan dette diskuterast. Fastlegelistene ved Radøy legesenter er godt ivaretakne av erfarne og stabile fastlegar over fleire år. 

Radøy legesenter er eit kontorfelleskap med 5 fastlegeheimlar, organisert med 8.2 avtale, og 2 LIS1-legar. Det er ikkje krav om innkjøp i praksisen. Det betyr at når legen slutter fell praksisen tilbake til kommunen. Basistilskotet vert ikkje utbetalt. Som motyting tek kommunen ansvar for alle kostnadar til drift av kontoret. Legen arbeider som sjølvstendig næringsdrivande og beheld eigendelar og Helfo-refusjonar. 

Kommunen kjøper inn forbruksmateriell mv. Pasientbetalinga for materiell går til kommunen.

Forkontoret er veldreve med god fagleg kompetanse, med både sjukepleiarar og helsesekretærar. Praksisen nyttar Infodoc Plenario journalsystem, og er tilknytta Nordhordland IKT som drifta alle IKT system i kommunen.  Lokala er gode og tenelige. Det er godt utstyrt laboratorium med spirometri, ekg og hurtigtestar. Kommunen tek hand om hjelpepersonell, drift og eig bygget der legesenteret er lokalisert.Legesenteret tek i mot listepasientar og akuttpasientar på dagtid.

For ALIS - legar (allmennlege i spesialisering):
For legar under spesialistutdanning tilbyr vi ALIS-avtale på gode vilkår. Alver kommune er registrert utdanningsverksemd og tilbyr forutsigbart utdanningsløp med rettleiing, supervisjon og læringsaktivitetar. Her kan du som er nyutdanna lese meir om ALIS-løpet. ALIS-tilskudd - Allmennleger i spesialisering (ALIS)

Om offentleg allmennmedisinsk arbeid og legevakt: 
I Alver kommune har vi legevakt ved Nordhordland interkommunale legevakt som ligg lokalisert på Helsehuset i Knarvik. Vaktbelastninga for fastlegar som deltek er gjenomsnittleg to vakter i månaden på kveld, natt og helg, betalt etter eigen timesats. Vi har tilsett eigne legar ved Nordhordland legevakt på natt, så det er mindre vaktbelastning på natt for fastlegane i kommunen. 

Dersom det vert aktuelt med offentlig allmennmedisinsk arbeid ein dag i veka, vil pasienttalet på lista kunne reduserast etter avtale jf. ASA 4310. 

Alver kommune har vedtatt plan for legetenesta for 2023 - 2026. Du kan lese meir om den her: Plan for legetenesta i Alver kommune (framsikt.net). Kommunen har og ein generell utdanningsplan for spesialistutdanning i allmennmedisin, godkjent i lokalt samarbeidsutval i 2024: Generell utdanningsplan for spesialistutdanning i allmennmedisin - Alver kommune

Arbeidsoppgåver

• Arbeid som fastlege med ei godt opparbeidd og ivaretatt fastlegeliste 
• Delta i gjensidig fråværsdekning ved kontoret
• Delta i interkommunal legevakt i Nordhordland på kveld, natt og helg. Estimert vaktbelastning er 2 vakter per måned.

På bilete ser du kollegaer ved Radøy legesenter.

Kvalifikasjonskrav

• Norsk autorisasjon som lege med rett til refusjon frå Helfo
• Fullført LIS 1 ved oppstart
• Gode norskkunnskaper, både munnleg og skriftleg
• Vaktkompetent, eller vilje til å oppnå dette
• Spesialist i allmennmedisin eller villig til å gjennomføre spesialistutdanning. Vi kan tilby ALIS avtale.
• Det er ønskjeleg med erfaring frå fastlegepraksis

Kven er du?

Vi søkjer etter lege som har gode samarbeidsevner og som bidrar i kollegafellesskapet. For oss er det viktig at du er ansvarleg, at du deltek og er ryddig i forhold til drift av legepraksisen. Du må og delta i ansvarsfordeling av oppgåver mellom legane, delta i internundervisning og ha interesse for tverrfagleg samarbeid.

Personlege eigenskaper vert lagt vekt på.

Vi tilbyr

Vi kan tilby eit godt arbeidsmiljø, dyktige medarbeidarar og ein arbeidsplass der det er fokus på eit fagleg godt tilbod. Er du nyutdanna vil du bli godt ivaretatt på kontoret. 

Vilkåra for fastlegeavtale går fram av sentralt avtaleverk, ASA 4310.