Sakshandsamar

Sogn barnevern er ei interkommunal barnevernsteneste for kommunane Luster, Sogndal og Vik, med hovudkontor i Sogndal. Sogn barnevern har i dag i overkant av 20 årsverk som arbeider for å sikre gode tenester til barn og unge.

Som sakshandsamar / kontaktperson vil du arbeide med generell sakshandsaming etter barnevernslova, og du vil få ansvar for både undersøking og oppfølging av hjelpetiltak.  

Me har no ledig to stillingar:

• Ei fast stilling, 100 %
• Eit vikariat, 100 % til februar 2026, med mogelegheit for forlenging

Sogn barnevern har utarbeida gode prosedyrar og rutinar for tenesta vår. Me er oppteken av at gjeldande lovverk, forskrifter og rundskriv vert fylgde. Som tilsett i Sogn barnevern er du ansvarleg for å samarbeide godt i lag med alle våre brukarar og samarbeidspartnarar, og å delta i barnevernstenesta sitt utviklingsarbeid.

Kvalifikasjonar:

• 3-årig universitets- eller høgskuleutdanning, fortrinnsvis sosialfagleg.
• Gode munnlege og skriftlege kommunikasjonsevner.
• Ønskjeleg om erfaring frå kommunalt barnevern/tilgrensande tenester.
• Ønskje om erfaring frå sakshandsaming.
• Førerkort: klasse B/automatgir.

Me søkjer fagleg engasjerte personar som likar å jobbe sjølvstendig og saman med andre. Du må vere ansvarsbevisst, kunne ta eigne initiativ og vere lydhøyr. Du må kunne arbeide på tvers i organisasjonen, ha gode haldningar og sjå verdien av tverrfagleg samhandling. Du er lojal, fleksibel, sjølvstendig, målretta og analytisk.
Me vil leggje stor vekt på søkjarane si personlege eignaheit til stillinga.

Spesielle vilkår for stillinga:

Me tilbyr:

• Ein spanande og god arbeidsplass med flinke og engasjerte medarbeidarar og spanande arbeidsoppgåver der det dagleg vert jobba med å kvalitetsutvikla tenestene våre.
• Løn etter avtaleverket.
• Gode pensjons- og forsikringsordningar.
• Systematisk opplæring og rettleiing kvar veke. 

Me ynskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hjå oss uansett alder, funksjonsevne, kjønn eller minoritetsbakgrunn.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Send søknaden med CV innan søknadsfristen via rekrutteringssystemet EasyCruit.