100 % fast stilling som brannførebyggar

Om arbeidsstaden

Samfunnsutvikling er ein av fire sektorar i Austevoll kommune. I denne sektoren inngår utbyggingsprosjekt, plan- og byggesak, eigedomsforvaltning, drift og vedlikehald, brann og redning, kultur, idrett og frivilligheit. Sektoren har om lag 35 tilsette.
 

Brann og redning har 23 tilsette og held til på brannstasjonen i Porsdalen. Det er 3 faste stillingar i 100 % og i tillegg 20 deltidstilsette i beredskap. Førebyggande avdeling har ansvar for feiing og tilsynsmynde. 

Om stillinga

Austevoll kommune har ledig ei fast stilling som brannførebyggar i 100 prosent stilling. Brannførebyggar blei tidlegare kalla feiar.

Som brannførebyggar får du ei viktig rolle i det førebyggande brannvernarbeidet og blir ein sentral kontaktperson for innbyggarane våre.

Du skal føre systematisk tilsyn med fyringsanlegg i bustader og fritidsbustader og feie der det er behov.

Arbeidskvardagen er variert og sjølvstendig, med oppdrag i heile kommunen. Ved behov bruker du både bil og båt for å komme fram til innbyggarane.

Du får kontorplass på Austevoll brannstasjon. Der held både brannvesenet og kommunen si avdeling for drift og vedlikehald til.

Det er ønskeleg at du på sikt kan inngå som brannkonstabel i beredskapsstyrken.

Ansvars- og arbeidsområde

Du skal

• gjennomføre risikobasert feiing og tilsyn med fyringsanlegg
• bruke IT-systemet Komtek
• ha ansvar for køyretøy og materiell i eininga
• behandle saker før og etter feiing og tilsyn
• delta i informasjonsarbeid internt og eksternt
• følge verksemda sitt system for helse, miljø og tryggleik

Kvalifikasjonskrav

Formelle kvalifikasjonskrav

Du må ha fagbrev, fagskuleutdanning eller svennebrev som brannførebyggar.

Vi kan også vurdere deg dersom du har eit anna relevant fagbrev innan byggfag eller tekniske fag, eller omfattande relevant realkompetanse. Det er då ein føresetnad at du forpliktar deg til å gjennomføre nødvendig etterutdanning.

Du må også ha

• førarkort i minst klasse B
• gode norskkunnskapar, både munnleg og skriftleg
• gode datakunnskapar

Det er ønskeleg at du har relevant praksis frå fagfeltet eller andre fagbrev.

Personlege eigenskapar

Vi søker deg som

• er interessert i faget
• samarbeider godt med andre
• arbeider godt både sjølvstendig og i team
• kommuniserer godt med andre
• bidrar til eit godt omdømme for faget og kommunen som tenesteleverandør

Du må vere personleg eigna til stillinga.

Vi tilbyr

• Moglegheit for fagleg utvikling i eit godt og positivt fagmiljø.
• Spanande utfordringar.
• Løn etter kvalifikasjonar.
• Gode pensjons- og forsikringsordningar.

Slik søker du

Send søknad og CV ved å klikke på knappen merka "Søk stilling" på denne sida.

Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.

Ikkje send søknad på e-post til enkeltpersonar i kommunen.

Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.