Avdelingsleiar Teknisk område - Maskin/Rør & HVAC / Stålutrustning

Vil du leie eit sterkt fagmiljø for nokre av verdas mest avanserte fartøy?
Vi søker ein engasjert avdelingsleiar til vårt tekniske miljø, innanfor fagområda maskin,rør, HVAC og stålutrustning. Stillinga Department Manager Engineering Machinery/Pipe & HVAC/Steel Outfitting vil ha fagleg og personalmesseg ansvar for ressursane innanfor ansvarsområdet. Som leiar vil du spele ei sentral rolle i utviklinga og gjennomføringa av komplekse skipsbyggingsprosjekt, samtidig som du bidreg til å vidareutvikle kompetanse, arbeidsprosessar og organisasjonen.
Stillinga rapporterer til Teknisk sjef og inngår i leiinga for teknisk område.

Arbeidsoppgåver

• Leie og utvikle avdeling for Engineering Machinery/Pipe & HVAC/Steel Outfitting
• Personalansvar for avdelinga sine tilsette
• Planlegge og styre ressursar, eigne og innleigde, på tvers av prosjekt
• Sikre kvalitet, framdrift og leveransar i samsvar med prosjektkrav
• Bidra i tilbods- og salsprosessar med tekniske vurderingar, kalkylar og ressursestimering
• Vidareutvikle arbeidsprosessar, metodar og digitale verktøy
• Samarbeide tett med prosjekleiing, produksjon, innkjøp, klasseselskap, leverandørar og kundar
• Bidra til rekruttering og utvikling av framtidige talent innan fagområdet
• Ivareta HMS, kvalitet og kontinuerleg forbetringsarbeid i avdelinga

Kvalifikasjonar

• Høgare teknisk utdanning innan maskin, marine system, HVAC eller tilsvarande
• Erfaring frå maritim industri, skipsbygging eller relatert verksemd
• Erfaring med prosjektarbeid og tekniske leveransar
• Leiarerfaring er ønskeleg, men kandidatar med sterke leiareigenskapar og ambisjoner vert òg oppmoda til å søke
• God forståing av tekniske system om bord på fartøy
• Gode kommunikasjonsevner på norsk og engelsk

Personlege eigenskapar

• Byggjer tillit og motiverer medarbeidarane
• Er strukturert og løysningsorientert
• Trivst med å skape resultat gjennom andre
• Har god gjennomføringsevne og kommersiell forståing
• Bidreg til samarbeid på tvers av fagområde
  

Vi tilbyr

• Ei sentral leiarrolle
• Spanande prosjekt og moglegheit for å påverke utviklinga av fagområdet
• Godt fagmiljø
• Fleksitidsordning
• Konkurransedyktige vilkår

Kontaktinformasjon

Vidar Gjerdsbakk, Technical Manager, +47 95086886
Ann Kristin Hatløy Fiskaa, HR Manager, +47 95022468

Arbeidsstad

Osnesvegen 110
6065 Ulsteinvik

Nøkkelinformasjon:

Arbeidsgivar: Ulstein Verft AS

Referansenr.: 5171459925
Stillingsprosent: 100%
Fast
Søknadsfrist: 27.09.2026