Teneste til menneske med nedsett funksjonsevne

Vi yter døgnkontinuerlege tenester til personar med psykisk utviklingshemming og ulike hjelpebehov. Tenestene våre omfattar bustader og arbeids- og aktivitetssenter på Straume, Rong og Skogsvåg.

Vi har særleg behov for ringevikar på nattevakt i bustadene våre på Straume. Samstundes søkjer vi ringevikarar til dag-, kveld- og helg ved fleire av tenestestadene våre.

Vi ønskjer medarbeidarar som er engasjerte, ser verdien av gode relasjonar og trivst med å arbeida i team. Saman skal vi skapa gode tenester og leggja til rette for utvikling, både for brukarane og for kvarandre.

Målet vårt er å yta fagleg forsvarlege tenester som gir stabilitet, kontinuitet og tryggleik for bebuarane. Vi arbeider for å styrkja livskvalitet, medverknad og størst mogleg grad av sjølvstende innanfor trygge og tydelege rammer.

Arbeidsoppgåver

• Målretta miljøarbeid, gi rettleiing, praktisk bistand og helsehjelp
• Dokumentera i fagjournal
• Gjennomføra vedtak etter helse- og omsorgstenestelova kapittel 9
• Arbeida førebyggjande, følgja opp tiltak og handtera utfordrande åtferd og krevjande situasjonar
• Utføra praktiske oppgåver i bustaden og andre oppgåver etter avtale med leiar

Kvalifikasjonar

• Fagbrev som helsefagarbeidar er ønskjeleg, men vi vil også vurdera andre søkjarar
• Gode norskkunnskapar, både skriftleg og munnleg

• Erfaring frå arbeid med målgruppa
• Førarkort klasse B

Vi legg særleg vekt på personlege eigenskapar. Vi ser etter deg som:

• Samarbeider godt med andre, men også kan arbeida sjølvstendig
• Bidreg til eit godt arbeidsmiljø
• Har evne til nytenking og utvikling av tenestene
• Er engasjert i fagleg utvikling og har interesse for målgruppa
• Byggjer gode relasjonar

Anna

Kontakt: Einingsleiar Kristin Straume, 997 99 526 e-post: kristin.straume@oygarden.kommune.no
Assisterande einingsleiar Elin Alfstad, 47797112        

Dersom du studerer sjukepleie, vernepleie eller medisin, får du løn etter lokal avtal

1. studieår: kr 10 000 over sentral garantiløn
2. studieår: kr 20 000 over sentral garantiløn
3. studieår: kr 50 000 over sentral garantiløn

Du må dokumentera kor langt du har kome i studiet.

Vi tilbyr:

• Gode pensjons- og forsikringsordningar
• Ein spennande arbeidsplass med godt arbeidsmiljø
• Motiverte og kunnskapsrike kollegaer
• Interessante utfordringar
• Opplæring, rettleiing og moglegheiter for fagleg utvikling
• Moglegheit til å søke startlån. Sjå kommunen si heimeside for meir informasjon: Startlån for å rekruttere og behalde helsepersonell - Øygarden kommune

Kontakt:

Einingsleiar Kristin Straume, 997 99 526 e-post: kristin.straume@oygarden.kommune.no
Assisterande einingsleiar Elin Alfstad, 47797112   

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.