Overlegar - nefrolog og endokrinolog

Medisinsk avdeling, seksjon for legetenesta ved Førde sentralsjukehus, søkjer to overlegar - nefrolog og endokrinolog til faste stillingar. 

Seksjonen har 14 overlegestillingar, 16 LIS 2/3-legestillingar og 8 LIS 1 i normal drift. Avdelinga har sengepostar med totalt 37 senger, dialysepost, poliklinikk, observasjonspost ved akuttmottaket og eigne senger i interdisiplinær intensiv/overvakingseining.

Avdelinga er godkjent som utdanningsinstitusjon innan indremedisin, akutt og mottaksmedisin (AMM), nyre-, hjarte-, lunge- og mage-tarm-sjukdommar. Der er eit aktivt læringsmiljø innan alle fagfelta. AMM-vaktsjiktet driv overordna styring av akuttmottak med tilhøyrande observasjonspost. 

For stillinga krevst det dokumentert autorisasjon.

Du kan her lese meir om Førde som plass å arbeide og busetje seg i: Sunnfjord kommune

Arbeidsoppgåver

• Arbeidsoppgåvene for nefrolog er knytt til poliklinisk verksemd, dialysepost og sengepostarbeid. Nefrologane har fagansvar for satelittdialyse på Nordfjord (NSH) og Lærdal sjukehus (LSH) og har ambuleringsdagar dit. 
• For endokrinolog er det hovudvekt på poliklinisk arbeid, men også noko sengepostarbeid. Ambulering til Nordfjord sjukehus og Lærdal sjukehus vil vere aktuelt. 
• I utgangspunktet gjeld stillingane utan vaktarbeid, men for overlegar med spesialitet innan generell indremedisin, kan vakt vere aktuelt.  
• Det er høg samla kompetanse i avdelinga og eit breitt indremedisinsk legekollegium. 

Kvalifikasjonar

• Spesialist i nefrologi eller endokrinologi. 
• Spesialist i indremedisin er ein fordel, men ikkje eit krav. 
• Erfaring frå relevant klinisk arbeid knytt til aktuell spesialitet. Må kunne vere rettleiar for legar i spesialisering
• Det er ein fordel å ha kjennskap til pasientsystemet DIPS 

Personlege eigenskapar

• Vere lett å samarbeide med og trivast med tverrfagleg arbeid
• Kunne kommunisere godt på norsk både munnleg og skriftleg
• Søkarar utanfor Skandinavia må dokumentere kunnskap i norsk skriftleg og munnleg.

Vi tilbyr

• Støttande, aktivt og trygt arbeidsmiljø
• Høve til å drive utviklingsarbeid
• Førde som ein god, familievennleg og kulturell plass med flott natur
• Hjelp med å skaffe bustad
• Løn etter tariff og individuell avtale
• Gode pensjons- og forsikringsordningar

 

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Hildur Margret Thingnes, Seksjonsleiar medisinsk legeteneste FSS, (+47) 578 39 317

Arbeidssted

Svanehaugvegen 2
6812 Førde

Nøkkelinformasjon:

Arbeidsgiver: Helse Førde

Referansenr.: 5009759295
Stillingsprosent: 100%
Fast
Startdato: 01.12.2025
Søknadsfrist: 22.09.2025