Teamansvarleg helsepersonell -  Stryn legekontor

Er du ein engasjert og innovativ sjukepleiar, og har lyst til vere med å utvikle framtida si legeteneste? Då kan dette vere jobben for deg! 

Legetenesta har ledig 100% fast stilling som teamansvarleg.

Legetenesta i Stryn kommune er ei avdeling under eining helsetenester saman med avdeling helsestasjons- og skulehelseteneste og avdeling for ergo-,fysio og friskliv.

Legetenesta består pr i dag av 10 fastlegeheimlar og 1 lege i spesialisering (LIS1) i tillegg til ei helsepersonellgruppe med 9 medarbeidarar. 

I Stryn kommune er det to kommunale legekontor: 

• Stryn legesenter lokalisert på Helsesenteret i Stryn sentrum. Her held også daglegevakt til. 
• Vikane legekontor lokalisert på Vikane omsorgssenter. Ope to dagar i veka. 

 

Om stillinga 

Vi søker ein operativ og utviklingsorientert teamansvarleg med ansvar for dagleg drift av arbeidsoppgåvene utført av helsepersonellgruppa på legesentera. Helsepersonellgruppa består av 9 medarbeidarar (inkludert teamansvarleg) i ulike stillingsbrøkar og fagbakgrunn. Teamansvarleg er ein del av daglege operative drifta og derav ein del av grunnbemanning i turnus. I praksis betyr dette at teamansvarleg er 80% i operativ drift og har utover dette administrative oppgåver tilsvarande 20%. 

Einingsleiar helsetenester har ansvar for fastlegane og legetenesta sett under eitt. Teamansvarleg helsepersonell og einingsleiar vil difor ha eit tett samarbeid kring dagleg drift og utvikling av legetenesta som heilheit. Som teamansvarleg rapporterer du til einingsleiar helsetenester, og har einingsleiar som din nærmaste leiar. Det er eit tett samarbeid med einingsleiar. 

Dette er ei ny stilling og endringar i arbeidsoppgåver må difor kunne påreknast.  

  

Arbeidsoppgåver

• Medansvar for planlegging og organisering av drifta, inkl. ressursdisponering og turnus i samarbeid med einingsleiar  
• Medansvar for budsjettoppfølging og økonomisk rapportering 
• Ansvar for medarbeidarsamtalar i helsepersonellgruppa, og oppfølging eigenmeldt sjukefråvær 
• Superbrukar EPJ system: Infodoc EG 
• Fagansvar: utviklingsarbeid, kvalitetsforbetring og implementering av nye rutinar 
• Representere legekontoret i interne og eksterne samarbeidsfora 
• Bidra til fagleg utvikling og kompetanseheving- kompetanseplan 

Kvalifikasjonar

Formelle krav: 

• Autorisasjon som sjukepleiar  
• Gode norskkunnskapar, skriftleg og munnleg. 
• Førarkort kl. B 

Ønskjeleg med: 

• Leiarerfaring og/eller leiarutdanning  
• Minimum 2 års praksis frå legekontor/legevakt/ambulanse 
• Erfaring frå Infodoc eller liknande EPJ system
• Gode IKT kunnskapar 
• Erfaring frå RS (Ressursstyring) eller liknande system 
• Utrykningssertifikat  

Personlege eigenskapar

• Gode kommunikasjons- og samarbeidsevner 
• Tydeleg, rettferdig og konsekvent 
• Set fagleg kvalitet høgt 
• Evne til å jobbe sjølvstendig og målretta  
• Tåler høgt tempo og arbeidspress 
• Innovativ, omstillingsvillig og lojal til avgjerdsler 

Vi tilbyr

• Ei nyoppretta stilling i ei avdeling under utvikling 
• Varierte arbeidsoppgåver i eit dynamisk og triveleg arbeidsmiljø
• Moglegheiter til fagleg utvikling 
• Løn og arbeidsvilkår i samsvar med gjeldande avtaleverk 
• Gode forsikrings- og pensjonsordningar gjennom KLP 

Kontaktinformasjon

Mona Helen Kile, Einingsleiar helsetenester, 95733547

Arbeidsstad

Setrevegen 4
6783 Stryn

Nøkkelinformasjon:

Arbeidsgivar: Stryn Kommune

Referansenr.: 5054124173
Stillingsprosent: 100%
Fast
Søknadsfrist: 06.01.2026