Rusvernkonsulent

Er du vår nye kollega?

Psykisk helse og rus i Bømlo kommune har frå 2. januar 2026 ledig stilling som rusvernkonsulent. Me ser etter deg som skapar gode relasjonar og driv fagleg utvikling framover. 

Verksemda vår er i stadig utvikling, med over 20 dedikerte tilsette. Me tilbyr støtte og behandling til vaksne innbyggjarar som har utfordringar knytt til psykisk helse og/eller rus, og jobbar for å møte menneske med respekt, fagleg tyngde og heilskapleg forståing.

Frå 1. januar 2023 vart rustenesta, psykisk helseteneste, miljøteneste og Nyving – møteplass og aktivitetstilbod – integrerte tenester i verksemda. Dette har styrka vårt tverrfaglege samarbeid og gitt oss eit breitt og samordna tenestetilbod.

Me ser fram til å høyre frå deg!

Arbeidsoppgåver

• Individuell oppfølging av vaksne med rusutfordringar.
• Yta bistand tilpassa den enkeltes behov.
• Samhandling med interne og eksterne instansar.
  
• Innsøking til behandling.
• Bidra i utviklingsarbeid.
• Ein andel ambulerande oppgåver.

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast. 

Kvalifikasjonskrav:

• Relevant 3-årig bachelor innan helse eller sosial. 
• Vidareutdanning innan psykisk helse og rus. 
• Førarkort klasse B.

I tillegg er det ønskjeleg med:

Erfaring frå arbeid med rus. 

Personlege eigenskapar

• Du har god relasjonskompetanse og samarbeidsevne.
  
• Du har evne til å tenkje heilskapeleg.
• Du er fagleg trygg og ansvarsbevisst.
• Du er strukturert og har evne til å arbeida sjølvstendig.
• Du er fleksibel og likar utfordringar.
  

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Me tilbyr

• Eit godt og inkluderande arbeidsmiljø.
• Løn og arbeidsvilkår i samsvar med gjeldande lov og avtaleverk.
• Gode offentlege pensjons- og forsikringsordningar.
• Fleksibel arbeidstid med arbeid på dagtid.
• Gode høve for utvikling.
• Ekstern vegleiing.
  
• Medlemskap med tilsettegoder i velferdsklubben.

Anna informasjon

• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søkje stilling uavhengig av bakgrunn.
  Me gjer merksam på at søkjarar vert ført opp på offentleg søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25.
• Etter helse og omsorgstenestelova § 5-4 vert det stilt krav til godkjend politiattest før tiltreding i stillinga.
  

Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din. Dersom du har spørsmål om stillinga eller rekrutteringsprosessen, kan du ta kontakt med avdelingsleiar Ann-Elisabeth Haldorsen eller verksemdsleiar Synnøve Sørvik. 

Kontaktinformasjon

Ann-Elisabeth Haldorsen, Avdelingsleiar, 936 55 289, ann.elisabeth.haldorsen@bomlo.kommune.no
Synnøve Sørvik, Verksemdsleiar, 986 62 884, synnove.sorvik@bomlo.kommune.no

Nøkkelinformasjon:

Arbeidsgivar: Bømlo kommune

Referansenr.: 5011817584
Stillingsprosent: 100%
Fast
Søknadsfrist: 19.10.2025