Sjukepleiar 100% fast stilling

Gvarv legesenter er eitt av to legekontor i Midt-Telemark kommune, og ligg sentralt plassert ved Gvarv bru. Legesenteret held til i moderne, lyse og trivelege lokale som gir gode arbeidsforhold for både legar og helsesekretærar.

Vi har opningstid frå kl. 08.00 til 15.30 på kvardagar, og fungerer i tillegg som daglegevakt for kommunen. Dette gir ein variert og spennande arbeidskvardag med eit breitt spekter av oppgåver og pasientgrupper.

Ved legesenteret er det seks fastlegar og éin LIS1-lege. Vi legg stor vekt på eit godt arbeidsmiljø, tett samarbeid og fagleg utvikling. Hjelpepersonellet rullerer mellom arbeid i resepsjon, laboratorium og skadestove, noko som gir ein variert arbeidsdag og høve til å utvikle brei og allsidig kompetanse.

Hos oss blir du ein del av eit inkluderande og engasjert fagmiljø som arbeider saman for å gi innbyggjarane i Midt-Telemark gode helsetenester. Vi tilbyr eit triveleg arbeidsmiljø, spennande faglege utfordringar og moglegheit til å vere med på å utvikle tenestene vidare.

Arbeidsoppgåver

Arbeidsoppgåver på laboratoriet:

• Ta blodprøver og andre laboratorieprøver.
• Utføre EKG og spirometriundersøkingar.
• Utføre sårstell og sårskift.
• Bistå legane i ulike medisinske og administrative oppgåver.
• Utarbeide og oppdatere prosedyrar og rutinar.
• Gjennomføre kontrollar og oppfølging av pasientar etter gjeldande rutinar.
• Handtere andre oppgåver som naturleg høyrer til laboratoriedrifta.

Arbeidsoppgaver i resepsjon:

• Følgje opp og behandle meldingar som kjem inn via Helsenorge.
• Svare på telefon og handtere innkomande førespurnader.
• Ta imot og ekspedere pasientar i resepsjonen.
• Bestille tolketenester, transport (taxi) og andre nødvendige tenester for pasientar.
• Utføre andre administrative oppgåver knytt til resepsjonsarbeidet.
  

Kvalifikasjonar

Krav til kvalifikasjonar

• Autorisert sykepleier 
• Beherske norsk skriftleg og muntleg (dokumentert B2 nivå)

Ønska kompetanse

Erfaring frå legesenter er ein fordel

Særskilde krav

Krav om politiattest, jf. Lov om Helse og omsorgstjenester § 5-4. Politiattest skal framvisast før oppstart i stilling.

Personlege eigenskapar

• Glad i å arbeide med menneske
• Evne til å handtere ein travel og hektisk arbeidskvardag
• Gode samarbeidsevner og evne til å samarbeide med ulike yrkesgrupper
• Fleksibel og omstillingsdyktig
• Evne til å skape tryggleik for pasientar i ulike situasjonar
• Kan arbeide sjølvstendig og ta ansvar for eigne oppgåver

Personlege eigenskapar vektleggast.

Vi tilbyr

• E-læringskurset for nytilsette i Midt-Telemark kommune
• Lønn etter gjeldande lov og avtaleverk
• Gode forsikrings- og pensjonsordningar

Kopi av vitnemål og attestar lastas opp som vedlegg i webcruiter.

Kontaktinformasjon

Eli Aaland, Avdelingsleiar, +47 90170836

Arbeidsstad

Gvarvgata 69
3810 Gvarv

Nøkkelinformasjon:

Arbeidsgivar: Midt-Telemark kommune

Referansenr.: 5169014902
Stillingsprosent: 100%
Fast
Søknadsfrist: 28.09.2026