Miljøterapeut/ teamleiar. 

Me har ledig 100 % fast stilling som teamleiar på avlastningsavdelinga for barn og unge med funksjonshemming. AvlastningsInstitusjonen ligg nydeleg til med naturnære og romslege uteområde i Tolomarka i Norheimsund. 

Her hjelper me tenestemottakarane i alle aspekt av livet; på skulen og i heimen, til kvardag og til fest, i gode og dårlege dagar. Mykje av arbeidet vårt foregår i team.

Er du ein god lagspelar som ser løysningar og mogelegheiter? Då er det deg me ser etter!

Som miljøterapeut hos oss får du ein variert arbeidskvardag der du fylgjer opp fleire brukarar knytt til avlastningsavdelinga. Me yter for tida teneste til barn og unge frå 5 til 10 år og skreddarsyr tilbodet etter behov. 

Arbeidsoppgåver

• Koordineringsarbeid og kvalitetsforbetringsarbeid i nært  samarbeid med gruppeleiar og bemanningskonsulent
• Primærkontaktansvar og miljøterapeutisk arbeid direkte med brukarane og deira pårørande
• Ansvar for å planleggja og organisera ansvar og arbeidsoppgåver ved avlastninga
• Ansvar for oppfølging og rettleiing av fast tilsette, studentar og lærlingar
• Kontakt med eksterne samarbeidspartar og ha det overordna ansvaret for legemiddelmiddelhandtering og internkontroll
  
• Oppfølging av brukar sitt behov for hjelp og omsorg og i samarbeid med pårørande
  
• Rettleiing, debriefing og opplæring av kollegaer 
• Bidra i dokumentasjon, kartlegging og delta i utarbeiding av vedtak 

Kvalifikasjonar

Me ønskjer oss medarbeidarar med god fagkompetanse og eit sterkt engasjement.

• Du må ha norsk autorisasjon som vernepleiar eller sjukepleiar
  
• Vera ein solid fagperson som bidrar til utviklinga av eit godt arbeids- og fagmiljø
• Det er ønskjeleg med erfaring og kompetanse på å handtera krevjande situasjonar rundt barn med tidvis utfordrande adferd
• Det er ønskjeleg med gjennomført MAP -kurs
  
• Det er ein fordel om du har kompetanse på autismespekterforstyrringar
• Kjennskap til lovverket i helse og omsorgstenestelova kap. 9.
• Førarkort klasse B
• God skriftleg framstillingsevne og tydeleg kommunikasjon
• Gode norskkunnskapar både munnleg og skriftleg

Alle som yter tenester etter Helse og omsorgstenestelova skal levera politiattest av ny dato før tiltreding, jf. helse og omsorgstjenestelova § 5-4 og helsepersonellova § 20a. Ved tilsetjing skal det leggast fram vitnemål og attestar.   

Personlege eigenskapar

• Trygg på deg sjølv i utfordrande situasjonar
• God relasjonsevne
• Ha ei genuin interesse for fagfeltet
• Kunna jobba sjølvstendig
• Trivst med kombinasjonen av administrative oppgåver og praktisk miljøarbeid
• Du må like å ta ansvar, og vera tydeleg i samhandling med andre

Me tilbyr

• Fagleg interessante, utfordrande og varierte arbeidsoppgåver
• Eit godt og inkluderande fagmiljø med vekt på utvikling
• Tid til fagleg refleksjon og rettleiing
  
• Leiarar som ser heilskap
• Tverrfagleg samarbeid
• Løn etter gjeldande tariffavtale og lokalt lønssystem
• Som vernepleiar/sjukepleiar i heil stilling får du rekrutteringstillegg kr 40 000,- pr år (forhaldsmessig ved deltid)
• Gode offentlege pensjons- og forsikringsvilkår
  

Generell informasjon:

• Søknadar må sendast via Webcruiter for å verta registrert på utlysingssaka
• I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta
• Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette
  

Den kommunale organisasjonen skal i størst mogleg grad spegla mangfaldet i folkesetnaden. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne.   

Kontaktinformasjon

Lars Kristian Skår, Gruppeleiar Tolomarka omsorg og avlastning, +47 970 79 638

Arbeidsstad

Furuflaten 4
5600 Norheimsund

Nøkkelinformasjon:

Arbeidsgivar: Kvam herad

Referansenr.: 5005984721
Stillingsprosent: 100%
Fast
Søknadsfrist: 21.09.2025