Undervisningsstilling på yrkessjåførlinja ved Sauda VGS

Sauda vidaregåande skule har om lag 100 tilsette for å gi nærare 450 elevar og vaksne deltakarar eit breitt tilbod innan yrkesfaglege og studieførebuande utdanningsprogram. Skulen har tre avdelingar, to i Sauda og ein i Suldal.

Skulen har status som regionalt kompetansesenter for indre Ryfylke og er samstundes eit av seks opplæringssenter innan vidaregåande opplæring for vaksne i Rogaland.

Skulen har som mål at alle elevane skal trivast og lukkast med utdanninga og framtidsplanane sine. Skulen kan vise til gode resultat gjennom mange år og har ein kultur pregar av engasjement, tillit, høg fagleg kompetanse og samarbeid i heile organisasjonen. Skulen søker heile tida nye og framtidsretta løysingar og tilbod.

Fleire spennande nisjetilbod gjer at mange elevar flyttar til Sauda eller Sand på hybel og internat. Me fokuserer på å ta imot tilreisande elevar på ein god måte.

Arbeidsoppgåver

Me har frå 01.01.2026 inntil 200 % ledig stilling som lærar på Vg3 yrkessjåfør.Me tilbyr ei spennande stilling der du vil ha hovudansvaret for den praktiske opplæringa på C og CE eller D, for ei fast gruppe elevar kvart semester. Her får du høve til å bli godt kjent med elevane. I tillegg vil du ha undervisning i trafikale fag i klasserom, i samarbeid med dei andre lærarane på avdelinga. Vi tilbyr gode moglegheiter for fagleg utvikling og vidare- og etterutdanning.

 

Stillinga inneber:

• undervisning og veiledning innan aktuelle fag
• deltaking i teamarbeid innan aktuelle fagseksjonar
• deltaking i pedagogisk og fagleg utviklingsarbeid

Kvalifikasjonskrav

• godkjenning som trafikklærar tunge kjøretøy.
• 2 års relevant utdanning etter videregåande skule-nivå
• 4 år med yrkespraksis etter fullført videregåande opplæring
• relevant arbeidserfaring
• Førerkort klasse A, B, C, CE, D og DE.
• Praktisk pedagogisk utdanning eller tilsvarande frå trafikklærerutdanninga ved Nord universitet/HiNt
• godkjent politiattest for stillingar i skulen
  

 

Dersom du finn denne stilinga interessant, men manglar deler av den formelle kompetansen, oppfordrar vi deg likevel til å søkje. Aktuelle søkarar vil bli innkalt til intervju.

Personlig dugleik

Me søkjer personar som:

• er gode på klasseleiing og kommunikasjon med elevar 
• er ein god relasjonsbyggar til elevar, kollegaer og føresette. 
• har evne til å sjå elevane sitt potensiale og utviklingsmogelegheiter. 
• har eit fagleg engasjement og som brukar digitale verktøy i undervisninga 
• har eit ønske om å bidra positivt inn i eit allereie godt arbeidsmiljø

Som tilsett hos oss får du:

• utfordrande og spennande oppgåver i eit utviklande fellesskap  
• høgt utdanna og trivelege kollegaer i eit tverrfagleg arbeidsmiljø  
• ein raus organisasjonskultur der vi vil kvarandre vel, ser kvarandre og bidreg til fellesskapet 
• gode faglege utviklingsmoglegheiter  
• gode pensjons- og forsikringsordningar  
• gode velferdsordningar og livsfasetiltak  lønn etter gjeldande lov- og avtaleverk 
• Friperiodar som følgjer skuleåret

 

Vi gjer merksam på at opplysningar om søkjaren kan bli offentleggjorde sjølv om søkjaren har bede om ikkje å bli ført opp på søkjarlista. Dersom ønsket reservasjon ikkje blir teke omsyn til, vil søkjaren bli varsla om dette før den offentlege søkjarlista blir laga.

Kontaktinformasjon

Nikolas Njerve, 51922880

Arbeidssted

Griegs gate 40
4200 Sauda

Nøkkelinformasjon:

Arbeidsgiver: Rogaland fylkeskommune

Referansenr.: 5041191541
Stillingsprosent: 100%
Fast
Søknadsfrist: 30.11.2025