Det er ledig 25 prosent fast stilling som kyrkjetenar i Balestrand sokn for snarleg tilsetjing.

Stillinga har Sogndal kyrkjelege fellesråd som arbeidsgjevar, og vil ha hovudarbeidsstad i kyrkjene i Balestrand sokn: Tjugum, Sæle og Kvamsøy. I tillegg kan det påreknast enkelte tenester i St. Olafs kyrkje og nokre andre gudstenestestader, også utandørs. Kyrkjetenaren er ein viktig tilretteleggjar ved alle kyrkjelege tenester og andre arrangement i kyrkjene med ansvar for klargjering, opprydding, tilsyn og reinhald. Arbeidet er hovudsakleg knytt til gudstenester i helgar og på høgtidsdagar, samt gravferder på vekedagar. I tillegg kjem vigslar og andre arrangement i kyrkja, som konsertar, framsyningar og trusopplæring.

Me ynskjerallsidige søkjarar som kan arbeide sjølvstendig, men samtidig har evne til samarbeid med både friviljuge og tilsette og kan møte deltakarar på ein god måte.

Me kan tilby:

• Løns -og arbeidsvilkår i samsvar med gjeldande tariffavtalar og regelverk innanfor kyrkjeleg sektor

• Pensjons- og forsikringsordning gjennom KLP

Det vert kravd medlemskap i Den norske kyrkja. Søkjar må disponere eigen bil. Køyregodtgjersle i samsvar med gjeldande regulativ. Kvelds-, helge- og høgtidsarbeid må reknast med. Ved tilsetjing vil også personlege eigenskapar som evne til samarbeid, organisering og kommunikasjon bli vurdert.