Faglærar – Teknologi- og industrifag 

Vi søkjer faglærar i teknologi- og industrifag til eit vikariat frå 01.11.2025 med eitt års varigheit. Vi ønskjer tiltreding så snart som mogleg. 

Flora vidaregåande skule, ligg i Florø og har sju utdanningsprogram innan både studieførebuande- og
yrkesfag. Vi er omlag 90 tilsette som kvar dag bidreg til læring, inspirasjon og trivsel for ungdom og
vaksne. Meir informasjon om skulen finn du på flora.vgs.no.
Frå snarast har vi ledig stilling som lærar i teknologi- og industrifag. Søknadsfrist 17.09.25

Arbeidsoppgåver

Arbeidet omfattar planlegging og gjennomføring av undervisning på både Vg1 og Vg2, i klasserom og på verkstad. Undervisning i yrkesfagleg fordjuping (YFF) vil òg vere ein del av stillinga. Du får ansvar for oppfølging og vurdering av elevar, og vil vere ein del av eit fagmiljø som legg vekt på samarbeid, pedagogisk utviklingsarbeid og tett kontakt med lokalt næringsliv for å gi elevane ei relevant opplæring og ein trygg overgang til lære og arbeidsliv.

 

Kvalifikasjonar

Vi søkjer deg med fagbrev innan mekaniske eller relevante fag og minst fire års yrkeserfaring etter fagbrev. Teknisk fagskule, høgare utdanning eller yrkesfaglærarutdanning er ønskjeleg, men ikkje eit krav. Har du ikkje formell undervisningskompetanse, kan du tilsetjast på vilkår om å fullføre slik utdanning innan ein nærare gjeve frist. Politiattest må leggjast fram.

Personlege eigenskapar

Som lærar må du trivast med å arbeide med ungdom og vere ein tydeleg og inkluderande rollemodell. Vi ønskjer deg som er oppteken av å skape eit godt læringsmiljø, og som kan kombinere fagleg tyngde med evne til samarbeid, refleksjon og utvikling. Personlege eigenskapar vil bli tillagt stor vekt i vurderinga av søkjarar.

Vi tilbyr

Vi tilbyr eit spennande fagmiljø med framtidige fagarbeidarar og gode kollegaer, samt tilrettelegging for vidareutdanning.

Lønn etter avtale og gode offentlege pensjons- og forsikringsvilkår. Alle nytilsetjingar vert gjort med ei prøvetid på 6 månader. Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Søknadsfrist 17.09.25.

For meir informasjon om stillinga kontakt avdelingsleiar og handverk- og industrifag Ole Hennøy tlf 91 87 27 26. 

Kontaktinformasjon

Knut Christian Clausen, rektor                        , 41530684

Arbeidsstad

 

Nøkkelinformasjon:

Arbeidsgivar: Vestland fylkeskommune

Referansenr.: 5012963168
Stillingsprosent: 100%
Vikar
Søknadsfrist: 17.09.2025