Innkjøp

Om avdelinga:

Ønskjer du å jobba med anskaffingar av byggje- og anleggskontraktar i ein kommune med driv? Vi søkjer ein anskaffingsrådgivar som vil arbeida tett på prosjekt som skular, sjukeheimar, omsorgsbustader, idrettshallar, veganlegg, kaiar, bruer og annan infrastruktur.

Stillinga er organisatorisk plassert i innkjøpsavdelinga, men du vil arbeida tett mot utbyggingsavdelinga og vera ein del av prosjektmiljøet der. Rolla ligg i grensesnittet mellom anskaffingar og prosjektgjennomføring, og du skal bidra til gode og effektive anskaffingar i utbyggingsprosjekta til kommunen.

Anskaffingsrådgivaren skal sikra profesjonelle, lovlege og strategiske anskaffingar i byggje- og anleggsprosjekt. Stillinga skal bidra til effektiv prosjektgjennomføring gjennom god planlegging av anskaffingar, høg kvalitet i konkurransegrunnlag og god kontraktsoppfølging på overordna nivå. Rolla skal styrkja etterleving av regelverket for offentlege anskaffingar og bidra til god kommersiell styring i prosjekta.

I større prosjekt nyttar vi primært samspel eller totalentreprise, ofte i kombinasjon. Mindre prosjekt gjennomfører vi som regel gjennom avrop på rammeavtalar for utførande fag. Eininga har særleg ansvar for avtalar innan prosjektering, prosjektadministrasjon og rammeavtalar knytte til utførande fag.

Arbeidsoppgåver:

• Utarbeida anskaffingsplanar for prosjekta i tett samarbeid med prosjektleiar
• Bidra i vurdering av gjennomføringsmodell, entrepriseform og kontraktsstrategi
• Gjennomføra marknadsdialog med leverandørmarknaden ved behov
• Utarbeida konkurransegrunnlag og bidra til gode evalueringsmodellar
• Planleggja og gjennomføra konkurransar i tråd med regelverket for offentlege anskaffingar
• Bidra i vurdering av tilbod og tildeling av kontraktar
• Følgja opp og vidareutvikla sentrale rammeavtalar
• Bidra til god kontrakts- og avtaleoppfølging

Kvalifikasjonar: 

• Relevant utdanning på minimum bachelornivå. Ved særleg relevant erfaring med offentlege anskaffingar kan utdanningskravet fråvikast.
• Svært god munnleg og skriftleg framstillingsevne på norsk

• Mastergrad eller vidareutdanning innan offentlege anskaffingar, jus, økonomi eller tilsvarande er ønskjeleg og ein fordel
• God kjennskap til regelverket for offentlege anskaffingar
• Erfaring med anskaffingar innan byggje-/anleggsprosjekt
• Erfaring med kontrakts- og avtaleoppfølging
• Kjennskap til ulike enteprisemodellar gjennomføringsmodellar

Personlege eigenskapar:

• Strukturert og analytisk
• Gode samarbeidsevner og evne til å arbeida i tverrfaglege prosjekt
• Evne til å balansera framdrift, kvalitet og regelverk
• God skriftleg og munnleg framstillingsevne
• Høg integritet og god rolleforståing

Anna: 

Vi tilbyr:

• Gode pensjons- og forsikringsordningar
• IA-bedrift
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling

Kontakt:

Leiar innkjøp: Margunn Wikum-Olsen, mob. 95729089

Leiar utbygging: Christian Alsaker , mob. 99113416

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.