ID 2235 Personal- og organisasjonssjef

Stord kommune søkjer etter personal- og organisasjonssjef. Stillinga inngår i kommunedirektøren si leiargruppe, og skal vera ein pådrivar i arbeidet med den vidare utviklinga av kommunen under visjonen <<Saman om utvikling og velferd>>. Stillinga har eit særleg ansvar for organisasjonsutvikling og den overordna arbeidsgjevarpolitikken.

Personal- og organisasjonssjefen representerer sitt ansvarsområde i ulike politiske og administrative møte.

Ansvarsområde

• Lønn og personal

• Kompetanseutvikling

• Helse, miljø og tryggleik (HMT)

• Kontakt med arbeidstakarorganisasjonane, m.a. årlege lønnsforhandlingar

• Informasjons- og kommunikasjonsteknologi (IKT) og digitalisering

• Fellestenester på Rådhuset (inkludert politisk sekretariat)

• Medlem av den kommunale kriseleiinga

• Stillinga er ansvarleg for 3 leiarar

Me søkjer ein leiar som:

• Har relevant leiarerfaring

• Har erfaring og kompetanse frå omstillings- og endringsarbeid

• Har gode samarbeidsevner og er opptatt av å skapa eit godt arbeidsmiljø

• Har gjennomføringsevne og er oppteken av resultat

• Har god rolleforståing og verdset partssamarbeidet

• Har god digital kompetanse

Kvalifikasjonskrav:

• Relevant utdanning frå høgskule/universitet, min. på bachelor-nivå. Mastergrad innan leiing, administrasjon, organisasjon er ein fordel.

• Har god kunnskap og erfaring om lov- og avtaleverk og HMT

• God forståing for offentleg administrasjon og politikk vil bli vektlagt

• Har god skriftleg og munnleg framstillingsevne på norsk/nynorsk.

Me tilbyr:

• Spanande og utfordrande arbeidsoppgåver i ein kommune i utvikling

• Positive og dyktige medarbeidarar

• Stord ve og vel med moglegheit for leige av leilegheiter i Røldal, Husøy med båt, trimrom og utleige av tilhengar mm.

• Lønn etter avtale

• Ei av Noregs sikraste pensjonsordningar

Stord kommune står ovanfor store utfordringar for å tilpasse oss framtida. Endringar i ansvarsområdet til Personal og organisasjonssjef kan bli aktuelt.

Ta gjerne kontakt for ein uformell samtale.

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.