Ráđđeaddi ofelašdoibmii

Bargoviidodat virggis

Sámi allaskuvla hálddaša ofelašdoaimma Norgga ráđđehusa ovddas. Doaibma álggahuvvui 2004s ja lea dan rájes bures lihkostuvvan gaskkustit dieđuid sápmelaččaid birra Norgga
joatkkaskuvlaohppiide. Ofelašdoaimma váldo barggut leat skuvllagalledeamit joatkkaskuvllaide ja neahttasiidu gos leat dieđut sápmelaččaid birra. Virgi gullá Giela, duoji, ja servodatdiehtaga
goahtái.

Mii ohcat dál ráđđeaddi geas galgá leat guovddáš rolla Ofelaš-doaimmas. Ofelašráđđeaddi barggut sisttisdollet earet eará:

 

• Beaivválaš jođiheapmi ja hálddahuslaš ovddasvástádus ovttas goahtejođiheddjiin.
• Ovdánahttit ofelašdoaimma ovttas goahtejođiheddjiin.
• Ekonomiijačuovvoleapmi goahtejođiheaddji delegerema vuođul
• Ofelaččaid čuovvolahttin, ja bagadeapmi praktihkalaš ja fágalaš gažaldagaiguin
• Eará barggut maid lagamuš jođiheaddji bidjá

Virggi ja goađi bargoviidodat ja ovddasvástádussuorggit sáhttet rievdat ásahusa dárbbuid mielde.

Virgi raportere goahtejođiheaddjái.　

Gelbbolašvuođagáibádusat

Virgái gáibiduvvo relevánta oahppu universitehtas dahje allaskuvllas unnimusat bachelorgráda.  Relevánta reálagelbbolašvuohta sáhttá buhttet oahppogáibádusa.

Virgái gáibiduvvo relevánta bargovásáhus.

Virggehasas gáibidit dárkilvuođa ja čorgatvuođa bargguid čađaheamis, ja ahte leat buorit bargonávccat.
 

Son gii virgáiduvvo ferte máhttit bargat sihke iešheanalaččat ja ovttas earáiguin. Lassin fertejit sus leat buorit gulahallanattáldaga. 

Son ferte liikot bargat nuoraiguin ja lea ovdamunni jus leat
vásáhusat nuoraiguin bargat. Mátkkošteapmi gullá virgái.

Virgái gáibiduvvo buorre máhttu sámegielas, sihke njálmmálaš ja čálalaš.

Bálká

Virgi bálkáhuvvo oahpu ja ánssu mielde Stáhta bálkáplána 90.500 vuođul, čuovvovaš virgekoda mielde: 

- ráđđeaddi virgekoda 1434

Earenoamáš gelbbolaš ohccit sáhttet árvvoštallot biddjot virgekodii 1364 Seniorráđđeaddi.

Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas. 

Bálkkás gesso 2% geatnegahtton divat Stáda penšuvdnakássii

Mii fállat

*Virggi mas ovdánahttinvejolašvuođat, viiddis ja máŋggabealat fágabirrasis 

* Ođđaáigásaš visttiid 

*Máŋggabealat čálgofálaldagaid 

*Heivehahtti bargoáiggi

* Buori bargobirrasa mas alla gelbbolaš bargit iešguđetge fágasurggiin 

* Ealli sámegielbirrasa guovddáš sámi guovllus 

Ohcan

Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin: 

- CV 

- Duođaštuvvon oahppo- ja bargoduođaštusat 

- Eará relevántta duođaštusat

-  Bivdit du maiddái almmuhit guokte referánssa

 Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget telefovdnii: 75 54 22 20.

Máŋggabealatvuohta ja searvadahttin

Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. 

Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii. 

Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš. 

Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain. 

Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.

Dievdoolbmot ávžžuhuvvojit ohcat dásseárvvo- ja vealahanlága § 11 ja § 29 vuođul. Jus guovtti dahje eanet ohcciin lea sullii seamma olu gelbbolašvuohta virgái, de vuoruhuvvo dievdoolmmoš
ovddabeallái nissonolbmo dásseárvvo- ja vealahanlága § 11 vuođul.

Oppalaččat

Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris. 

Fárrendoarjja máksojuvvo stáhta njuolggadusaid mielde. 

Finnmárkkus lea sierra ortnet geahpedit lohkanloana ja vearrogeahpádus. Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii. 

Virggis lea 6 mánu geahččalanáigi.

Oktavuođadieđut

Eanet dieđuid virggi birra oažžu goahtejođiheaddjis Risten Länsman, tlf. +47 784 48 550/ +47 951 39 557, epoasta: ristenl@samas.no dahje veahkegoahtejođiheaddjis Hanna Mattila, tlf. +4778448556, epoasta: hannam@samas.no