Reiseplanleggar/Saksbehandlar

Vil du vere med og gjere ein forskjell for pasientar i Møre og Romsdal?

Seksjon for Pasientreiser har ledig eit 100% vikariat som reiseplanleggar/saksbehandlar. Stillinga har arbeidsstad ved Sjukehuset Nordmøre og Romsdal (SNR) på Hjelset. Opplæring vil gå føre seg ved hovudkontoret i Ålesund. Sporadiske reiser til hovudkontoret må påreknast, samt noko reiseaktivitet i fylket i samband med oppfølging av rekvirentar.

Vi ser etter deg som er strukturert, lyttande og engasjert – og som trivst med å jobbe sjølvstendig. Du vil få ei viktig rolle i å planleggje og koordinere pasientreiser, gi rettleiing og støtte til pasientar og rekvirentar, og bidra til at reiseopplevinga blir så god som mogleg.

Pasientreiser er ein del av Klinikk for prehospitale tenester, og består av Bil- og båtambulanse, AMK-sentralen (113), Luftambulanse og Pasientreiser. Seksjonen består av om lag 20 årsverk, og vi samarbeider tett for å sikre trygg og effektiv transport for pasientar til og frå behandling.
Sjå her for meir informasjon om prehospitale tenester!

Søk no og bli ein del av vårt engasjerte team!

Arbeidsoppgåver

• Reiseplanlegging og koordinering av transport
• Saksbehandling og rettleiing i tråd med pasientreiseforskrifta
• Brukarstøtte og opplæring i system og regelverk
• Oppfølging av transportørar og rekvirentar
• Aktiv deltaking i forbetringsarbeid og utvikling av seksjonen

Kvalifikasjonar

• Gode norskkunnskapar, både munnleg og skriftleg
• God digital kompetanse og erfaring med kontorstøtteverktøy
• Erfaring frå saksbehandling, kundeservice eller logistikk er ein fordel
• Fullført vidaregåande utdanning

Personlege eigenskapar

• Serviceinnstilt, samarbeidsorientert og sjølvgåande
• Strukturert og ansvarsbevisst
• God evne til å meistre stress og krevjande situasjonar
• God til å byggje relasjonar

Personleg eignaheit for stillinga vert vektlakt ved tilsetting.

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert scanna og lasta opp som vedlegg til din CV.

Kontaktinformasjon

Esben Magnell, Seksjonsleiar, esben.magnell@helse-mr.no

Arbeidsstad

Opdølvegen 4
6450 Hjelset

Nøkkelinformasjon:

Arbeidsgivar: Helse Møre og Romsdal HF

Referansenr.: 5050341117
Stillingsprosent: 100%
Vikariat
Sluttdato: 28.02.2027
Søknadsfrist: 04.01.2026